Knowledge: આ છે ભારતના સૌથી મોંઘા વિસ્તારો, જ્યાં ઘર ખરીદવું છે મુશ્કેલ!

આજકાલ સામાન્ય લોકેશન પર ઘર ખરીદવું ઘણું મોંઘું થઈ ગયું છે. એક સામાન્ય વ્યકિત ધર ખરીદવા માટે પોતાના આખા જીવવની કમાણી લગાવી દે છે. તેમજ ભારતમાં ઘણા એવા મોંઘા વિસ્તારો છે જ્યાં સલેરીવાળા માણસો આખી જિંદગી કમાય તો પણ ત્યાં ઘર ના ખરીદી શકે, ભલે પછી તે માણસની સેલેરી સારી હોય કે ના હોય.

આ મોંઘા વિસ્તારોમાં ઘર એટલા મોંઘા થઈ ગયા છે અને તેના પાછળનું કારણ છે મોટી-મોટી આલીશાન સુવિધાઓ, બેસ્ટ લોકેશન. એવામાં જાણો કે ભારતના સૌથી મોંઘો વિસ્તાર કયો છે અને ત્યાં કેટલા મોંઘા ઘરો મળે છે.

અલ્ટામાઉન્ટ રોડ પરનો વિસ્તાર છે મોંઘો

મુંબઈનો અલ્ટામાઉન્ટ રોડ ભારતમાં એવી જગ્યાઓમાંથી એક છે જ્યાં ઘર ખરીદવું ખૂબ જ મોંઘુ માનવામાં આવે છે. આ વિસ્તારને બિલિયોનેર્સ રો પણ કહેવામાં આવે છે. રિલાયન્સ ઇન્ડસ્ટ્રીઝના ચેરમેન મુકેશ અંબાણીનું ઘર એન્ટિલિયા પણ આ વિસ્તારમાં બનેલું છે. આ વિસ્તારમાં ઘરોની કિંમત પ્રતિ ચોરસ ફૂટ 1.5 લાખથી 2 લાખ સુધીની છે. આ વિસ્તારના ભવ્ય સમુદ્ર તરફના ટાવર, હેરિટેજ બંગલા અને વિદેશી કોન્સ્યુલેટ આ વિસ્તારને વધુ ખાસ બનાવે છે.

મલબાર વિસ્તાર પણ છે મોંઘો

મુંબઈનો મલબાર હિલ વિસ્તાર પણ ભારતના સૌથી મોંઘા વિસ્તારોમાંનો એક માનવામાં આવે છે. અરબી સમુદ્રના કિનારે આવેલા આ વિસ્તારમાં નાદિર ગોદરેજ અને ઝુનઝુનવાલા જેવા મોટા નામો રહે છે. હરિયાળી અને લટકતા બગીચા જેવા આકર્ષણો આ વિસ્તારને સુંદર બનાવે છે. આ વિસ્તારમાં ઘર ખરીદવા માટે, તમારે પ્રતિ ચોરસ ફૂટ 1.2 લાખ થી 1.5 લાખ ખર્ચ કરવા પડે છે, જે પગારદાર વ્યક્તિ માટે તે ખૂબ મુશ્કેલ છે.

વરલી મુંબઈનો બીજો એક હાઈ ક્લાસ વિસ્તાર છે જ્યાં સેલિબ્રિટી અને બિઝનેસ ટાયકૂન રહે છે. બાંદ્રા વરલી સી લિંક, વરલી સી ફેસ અને વરલી ફોર્ટ જેવા વિસ્તારો આ વિસ્તારને વધુ પ્રીમિયમ બનાવે છે. આ વિસ્તારમાં મકાનોની કિંમત પ્રતિ ચોરસ ફૂટ આશરે રૂ. 85,000 થી રૂ. 1.2 લાખ સુધીની છે.

દિલ્હીનો ગોલ્ફ લિંક્સ વિસ્તાર છે મોંઘો

મુંબઈ ઉપરાંત, દિલ્હીમાં ઘણા એવા વિસ્તારો છે જ્યાં પગારદાર વ્યક્તિ પોતાના આખા જીવનની કમાણીથી પણ ઘર ખરીદી શકતો નથી. દિલ્હીનું ગોલ્ફ લિંક્સ પણ આ વિસ્તારોમાંથી એક છે. આ વિસ્તાર સામાન્ય રીતે હરિયાળી, શાંતિ અને સુરક્ષા માટે જાણીતો છે. મોટાભાગના રાજદ્વારીઓ, નોકરિયાતો અને અબજોપતિઓ આ વિસ્તારમાં રહે છે. દિલ્હીનું ગોલ્ફ લિંક્સ ઇન્ડિયા ગેટ પાસે છે.

દિલ્હીનો જોર બાગ પણ અહીંના સૌથી પોશ વિસ્તારોમાંનો એક છે. સફદરજંગ અને લોધી ગાર્ડન જેવા સ્થળો આ વિસ્તારની નજીક આવેલા છે. આ વિસ્તારમાં ઘરો પ્રતિ ચોરસ ફૂટ 95,000 રૂપિયાથી 1.1 લાખ રૂપિયામાં વેચાય છે. આ વિસ્તારને ભારતના ઉચ્ચ અધિકારીઓ અને નેતાઓનું નિવાસસ્થાન માનવામાં આવે છે.