રિલાયન્સ ઇન્ડસ્ટ્રીઝના ચેરમેન અને એશિયાના સૌથી ધનિક ઉદ્યોગપતિ મુકેશ અંબાણી પોતાની અઢળક સંપત્તિ અને વૈભવી લાઈફસ્ટાઈલ માટે આખી દુનિયામાં જાણીતા છે. મુંબઈ સ્થિત તેમના આલીશાન ઘર 'એન્ટિલિયા'ના ગેરાજમાં રોલ્સ રોયસ, બેન્ટલે, મર્સિડીઝ મેબેક અને બીએમડબલ્યુ જેવી દુનિયાની સૌથી મોંઘી અને સુરક્ષિત કારો મોજૂદ છે. પરંતુ શું તમે ક્યારેય વિચાર્યું છે કે, દેશના આ સૌથી મોટા વીઆઈપી (VIP) શખ્સની લક્ઝરી ગાડીઓ જે ડ્રાઈવર ચલાવે છે, તેનો પગાર કેટલો હશે? તમને જાણીને નવાઈ લાગશે કે મુકેશ અંબાણીના પર્સનલ ડ્રાઈવરની સેલેરી કોઈ મોટી મલ્ટીનેશનલ કંપની (MNC)ના વરિષ્ઠ કર્મચારીના પેકેજ જેટલી હોય છે.
કડી ટ્રેનિંગ અને સ્ક્રિનિંગ બાદ મળે છે નોકરી
મુકેશ અંબાણીના ડ્રાઈવર બનવું કોઈ સામાન્ય વાત નથી, તેના માટે ખૂબ જ કડક અને લાંબી પ્રક્રિયામાંથી પસાર થવું પડે છે. રિલાયન્સ ગ્રુપ આ માટે પ્રતિષ્ઠિત પ્રાઇવેટ સિક્યોરિટી એજન્સીઓને કોન્ટ્રાક્ટ આપે છે. આ એજન્સીઓ ઉમેદવારના બેકગ્રાઉન્ડની ઊંડી તપાસ (વેરિફિકેશન) કરે છે. પસંદગી પામેલા ડ્રાઈવરને માત્ર સામાન્ય ડ્રાઈવિંગ જ નહીં, પણ બુલેટપ્રૂફ વાહનો હેન્ડલ કરવાની, કટોકટીની સ્થિતિમાં મુશ્કેલ રસ્તાઓ પર સૂઝબૂઝ દાખવવાની અને વીવીઆઈપી પ્રોટોકોલ જાળવવાની ખાસ સૈન્ય કક્ષાની ટ્રેનિંગ આપવામાં આવે છે.
