શિયાળો અને ક્રિસમસમાં ચોકલેટની આ વાનગી રહેશે હેલ્ધી, જાણો પરફેક્ટ માપ

• ચોકલેટ કેકને બદલે બનાવો ખાસ ચીક્કી
  
• ચોકલેટી-મમરાની ચીકી બાળકોને આવશે પસંદ
• સરળ રેસિપીથી ફટાફટ બનાવી શકાશે ઘરે

ચોકલેટનું નામ આવતાંની સાથે જ નાના મોટાં સૌના મોઢામાં પાણી આવી જાય છે. આ સમયે જો તમે તમારી પાર્ટીને યાદગાર બનાવવા ઇચ્છો છો અને નવા વર્ષે સૌનું મોઢું મીઠું કરાવવા ઇચ્છો છો તો તમે ક્રિસમસ અને 31 ડિસેમ્બરને માટે ચોકલેટની આ વાનગીને તમારા રસોડામાં ટ્રાય કરી શકો છો. આ વાનગીઓ કેક, પેસ્ટ્રી અને અન્ય ચીજો કરતાં અલગ લાગે છે અને સાથે જ તમે તેની મદદથી તમારા મહેમાનોને ખુશ કરી શકો છો. તો તમે પણ આજે જ નોંધી લો રેસિપિ અને તેને ટ્રાય કરો

ચોકલેટી-મમરાની ચીકી

સામગ્રી

• 1 કપ મમરા
• 1 કપ છીણેલો ગોળ
• 2 ટીસ્પૂન ડ્રિન્કીંગ ચોકલેટ પાવડર
• ઘી જરૂર મુજબ

રીત

સૌ પ્રથમ મમરા સાફ કરીને શેકી લો. ત્યારબાદ એક નોન સ્ટીક કડાઈમાં છીણેલો ગોળ નાંખી ધીમા તાપે ઓગળવા દો. ગોળ ઓગળવા આવે એટલે તેમાં ડ્રિન્કીંગ ચોકલેટ પાવડર નાખી બરાબર હલાવો. પાયો થવા દો. વચ્ચે-વચ્ચે ચેક કરતા રહો. પાયો થઇ જાય એટલે તેમાં મમરા નાખી ગેસ બંધ કરી બરાબર હલાવી લો. પછી તરત જ તેને ગ્રીસ કરેલી થાળી કે આડણી પર મૂકી લુઆ જેવું બનાવી વેલણના મદદથી પાતળી વણી લો. થોડી ગરમ હોય ત્યારે જ તવેથાથી ઉખાડી કટ કરી લો. બરાબર ઠંડી થાય પછી કટ કરી એરટાઈટ ડબામાં ભરી લો. વણવી ન હોય તો મમરાના લાડુ પણ બનાવી શકાય.