Recipe: બચેલી રોટલીને ફેંકો નહીં, બનાવો બાળકો માટે ક્રિસ્પી અને ટેસ્ટી બ્રેકફાસ્ટ

• ટેસ્ટી અને હેલ્ધી નાચોઝ રોટલીથી કરો તૈયાર
  
• બ્રેકફાસ્ટ માટે ફટાફટ બનતો ઓપ્શન છે
• ઘરે ઝડપથી થઈ જશે પરિવારને ખુશ કરતો નાસ્તો

અનેકવાર ઘરમાં સવારની કે રાતની રોટલીઓ બચી જતી હોય છે. આ સમયે તેને ફેંકવાનું મન થતું નથી. જો તમે તેને યૂઝ કરવા ઈચ્છો છો તો તેમાંથી ખાસ નાસ્તો બનાવી શકો છો.આ નાસ્તો બાળકોની પસંદના નાચોઝ હોઈ શકે છે. સરળતાથી ટેસ્ટી અને હેલ્ધી નાસ્તો બની જતો હોવાથી પરિવાર પણ ખુશ થશે અને ફૂડ પણ વેસ્ટ થશે નહીં. તો જાણો કેવી રીતે તૈયાર કરશો રોટલીમાંથી નાચોઝ.

સામગ્રી

• 2-3 બચેલી રોટલીઓ
• જરૂર પ્રમાણે તેલ (રોટલી તળવા)
• સ્વાદ અનુસાર મીઠું
• 2 નંગ સુધારેલા ટામેટું
• 2 નંગ સુધારેલી ડુંગળી
• 2 નંગ સુધારેલું લીલું મરચું
• 1 નાની ચમચી ચાટ મસાલો
• લાલ મરચું સ્વાદ અનુસાર
• ચીઝ

બનાવવાની રીત

સૌ પહેલા તો રોટલીમાંથી નાચોઝ બનાવવાના છે તો રોટલીને પિત્ઝાના શેપમાં સ્લાઈસમાં કટ કરી લો. હવે એક કઢાઈ લો અને તેમાં તેલ ગરમ કરો. આ તેલમાં રોટલીના ટુકડા ઉમેરો અને તેને શેલો ફ્રાય કરો. આ પછી તમામ ડુંગળી, ટામેટા, મરચા, ચાટ મસાલો, મીઠું સારી રીતે મિક્સ કરી લો અને તેને એક બાઉલમાં રાખો. હવે એક પ્લેટમાં નાચોઝ રાખો અને એેમાં આ મસાલો ઉમેરો. ઉપરથી ચીઝ પણ ભભરાવી શકો છો. સ્વાદ વધારવા માટે તમે તેની સાથે સોસનો ઉપયોગ પણ કરી શકો છો. બાળકો માટે હેલ્ધી અને ટેસ્ટી નાસ્તો તૈયાર છે. તમે તેને ફટાફટ સર્વ પણ કરી શકશો.