- આજકાલ પ્રદૂષણ અને બદલાતી જીવનશૈલીના કારણે વાળ ખરવા ખૂબ જ સામાન્ય બાબત છે
- રીરમાં કોઈપણ પ્રકારના પોષક તત્વોની ઉણપને કારણે વાળ ખરવા જેવી સમસ્યા થઈ શકે છે
- આ સમસ્યાથી બચવા માટે આ ખોરાકને તમારા ડાયટમાં સામેલ કરી શકો છો
દરેક વ્યક્તિ જાડા અને સુંદર વાળ રાખવા માંગે છે અને આ માટે બધા ઘણું બધું કરીએ છીએ, વાળ પર વિવિધ હેર પ્રોડક્ટ્સનો ઉપયોગ કરીએ છીએ. તેમજ વિવિધ પ્રકારના ઉપાયો પણ અપનાવવામાં આવે છે. પરંતુ આ બધાની વાળ પર બહુ અસર થતી નથી. કારણ કે આજકાલ આપણી બદલાતી લાઈફસ્ટાઈલ, વધતું પ્રદૂષણ અને આપણા ખરાબ ડાયટને કારણે ઘણી સમસ્યાઓનો સામનો કરવો પડે છે. વાળ ખરવા પણ તે સમસ્યાઓમાંથી એક છે.
એવું કહેવાય છે કે દરરોજ 50 કે 100 વાળ ખરવા એ સામાન્ય બાબત છે. કારણ કે તેમની જગ્યાએ નવા વાળ ઉગે છે. પરંતુ જો કોઈ વ્યક્તિને વધુ પડતા વાળ ખરતા હોય તો તે ગંભીર સમસ્યા બની શકે છે. પરંતુ ક્યારેક શરીરમાં કોઈપણ પોષક તત્વોની ઉણપને કારણે વાળ ખરવા લાગે છે. આવી સ્થિતિમાં, વાળ ખરવાની સમસ્યાને રોકવા માટે, તમારે તમારા ડાયટમાં આ ખોરાકનો સમાવેશ કરવો જોઈએ. જે વાળ ખરતા અટકાવવામાં મદદરૂપ સાબિત થઈ શકે છે.
કરી પત્તા
તમે સવારે ખાલી પેટ ઓછામાં ઓછા 4-5 કરીના પાંદડા ગરમ પાણી સાથે ચાવી શકો છો. તે એન્ટીઓકિસડન્ટોથી ભરપૂર છે જે સ્કેલ્પ ઉપરની ચામડીને મોઈશ્ચરાઈઝ કરવામાં મદદ કરે છે અને ડેડ હેરના ફોલિકલ્સને પણ દૂર કરે છે. તેમાં બીટા કેરોટીન અને પ્રોટીનનું પ્રમાણ વધુ હોય છે, જે વાળ ખરતા અટકાવવામાં મદદરૂપ સાબિત થાય છે.
ડ્રાયફ્રુટ અને સીડ્સ
5 થી 6 બદામ, 2 અખરોટ, 2 કાળી કિસમિસ, 1 ટેબલસ્પૂન કોળાના બીજ, 1 ટેબલસ્પૂન સૂર્યમુખીના બીજને આખી રાત પાણીમાં પલાળી રાખો અને બીજા દિવસે સવારે ખાઓ. બીજ અને બદામમાં હાજર વિટામિન ઈ, ઝિંક અને મેગ્નેશિયમ તમારા વાળને મજબૂત બનાવવામાં મદદરૂપ સાબિત થઈ શકે છે અને ઓમેગા 3 અને ઓમેગા 6 ફેટી એસિડ્સ વાળને નરમ અને ચમકદાર બનાવવામાં ફાયદાકારક છે.
આમળા, બીટરૂટ અને ગાજરનો રસ
આમળા, બીટરૂટ અને ગાજરનો રસ વાળના વિકાસ અને તેમને સ્વસ્થ બનાવવા માટે ફાયદાકારક સાબિત થઈ શકે છે. તે વિટામિન સી અને આયર્નનો સારો સ્ત્રોત છે જે વાળને સ્વસ્થ અને ચમકદાર રાખવામાં ફાયદાકારક સાબિત થઈ શકે છે. તમે આ બધી વસ્તુઓને તમારા ડાયટમાં દરરોજ અલગ-અલગ રીતે જ્યૂસ, સૂપ કે સલાડમાં સામેલ કરી શકો છો.
ઈંડા
ઈંડામાં પ્રોટીન અને બાયોટિન મોટી માત્રામાં જોવા મળે છે, જે વાળને જાડા બનાવવામાં મદદ કરે છે. પ્રોટીનની ઉણપને કારણે પણ વાળ ખરવા લાગે છે. તેથી, વાળ ખરવાની સમસ્યાને દૂર રાખવા માટે, તમારા ડાયટમાં ઈંડા જેવા પ્રોટીનયુક્ત ખોરાકનો સમાવેશ કરો.
ડેરી પ્રોડક્ટસ
દૂધ, દહીં અને પનીર જેવા ડેરી પ્રોડક્ટસમાં કેલ્શિયમ, આયર્ન, ફેટી એસિડ, વિટામિન B-12 અને પ્રોટીન હોય છે. જે ચોક્કસપણે વાળ માટે ફાયદાકારક ગણાય છે.
Disclaimer: અહીં આપવમાં આવેલી જાણકારી માત્ર જાણકારી આધારિત છે, સંદેશ ન્યૂઝ તેની પુષ્ટિ કરતું નથી. કોઈ પણ ઉપાય કરતાં નિષ્ણાતની યોગ્ય સલાહ લો.
