વરસાદની સીઝનમાં મેથીના ગોટાને બદલે બનાવો આ વાનગી, હેલ્થ રહેશે મસ્ત

• ચોમાસામાં આ પુરીનો સ્વાદ આપશે મજા
  
• ઓછા સમયમાં ઘરે ઝડપથી બનશે આ પુરી
• લીલી મેથીનું સેવન હેલ્થ માટે પણ રહેશે લાભદાયી

ચોમાસાની સીઝન ચાલી રહી છે ત્યારે વરસાદી માહોલ વચ્ચે ખાસ કરીને ગુજરાતી ઘરોમાં મેથીના ગોટા બનાવવામાં આવે છે. પણ જો તમે એકના એક મેથીના ગોટાથી કંટાળ્યા છો અને કંઈ ગરમાગરમ નાસ્તો ઈચ્છો છો તો તમારે મેથીની પુરી ટ્રાય કરી લેવાની જરૂર છે. આ પુરી સ્વાદમાં ટેસ્ટી લાગે છે અને સાથે જ તે ફટાફટ બની જાય છે. મેથી આ સીઝનમાં અનેક સમસ્યાઓમાં રાહત આપે છે. લીલી મેથીની મદદથી પુરીનો ટેસ્ટ પણ સારો આવશે. તો ટ્રાય કરો રેસિપિ.

મેથી પુરી

સામગ્રી

- 250 ગ્રામ બાજરીનો લોટ

- 200 ગ્રામ ઘઉંનો લોટ

- 100 ગ્રામ રવો

- 50 ગ્રામ મકાઇનો લોટ

- 2 કપ લીલી મેથીના પાન

- 1 ચમચી તેલ

- 1/2 ચમચી જીરું

- 200 ગ્રામ ખાટું દહીં

- 1 ચમચી ગોળ

- મીઠું સ્વાદ અનુસાર

- 4 નંગ લીલાં મરચાં

- 1 ઇંચ આદુ

- 1/2 ચમચી લાલ મરચું

- નાની ચમચી હળદર

- તેલ તળવા માટે

રીત

સૌ પહેલા બાજરી, ઘઉં, રવો અને મકાઇનો લોટ લઇ તેને એક થાળીમાં ચાળી લો. મેથીના પાનને ધોઇને સુધારી લો. લીલા મરચાંને ઝીણા સુધારો અને સાથે તેમાં આદુની પેસ્ટ કરીને તે ઉમેરો, દહીંમાં ગોળ મિક્સ કરો અને લોટમાં ગોળવાળું દહીં, તેલ અને મસાલા મિક્સ કરો. પાણીની મદદથી પૂરીનો લોટ બાંધો. લોટને અડધો કલાક રહેવા દો. અડધો કલાક બાદ ફરીથી તેને મસળી લો. તેમાંથી લીંબુ જેવા લૂઆ બનાવો અને સાથે તેલ અને લોટની મદદથી પૂરી વણીને તેલમાં તળો. આ ગરમાગરમ પૂરીને ચટણી, અથાણા કે ચાની સાથે સર્વ કરી શકાય છે. વરસાદની સીઝનમાં આ પુરી પરિવારને પણ ગમશે. તો કરી લો તૈયારી.