- ઐતિહાસિક કિલ્લાઓની મુલાકાત કરી છે તમે ?
- ઇતિહાસ વિશે પોતાના બાળકોને કરી શકશો માહિતગાર
- આ કિલ્લા છે ઐતિહાસિક, હાલમાં પણ છે સચવાયેલા
15મી ઓગષ્ટે દેશ ધામધૂમની સ્વતંત્રતા પર્વની ઉજવણી કરશે. આઝાદીના જશ્નમાં આખો દેશ મગ્ન બનશે. 15 ઑગષ્ટ 1947માં ભારતને બ્રિટિશ શાસનમાંથી મુક્તિ મળી હતી. આ દિવસે સરકારી, ખાનગી તેમજ શાળા-કોલેજ અને જાહેર જગ્યાઓ પર ધ્વજવંદન તથા સાંસ્કૃતિક પ્રોગ્રામનું આયોજન કરવામાં આવે છે. ત્યારે આ વખતે ઓગષ્ટમાં 15મી ઓગષ્ટથી લઇને રક્ષાબંધન સુધી વચ્ચે એક દિવસની રજા લેવી પડે. બાકી સળંગ 3થી 4 દિવસની રજા મળે છે. તેવામાં તમે ભારતના ઐતિહાસિત કિલ્લાની મુલાકાત લઇ શકો છો.
દિલ્હીનો લાલ કિલ્લો
લાલ કિલ્લા જૂની દિલ્હીના ચાંદની ચોકમાં સ્થિત છે. લાલ કિલ્લો 1638 અને 1648 ની વચ્ચે શાહજહાં દ્વારા બનાવવામાં આવ્યો હતો. તેને લાલ કિલ્લો નામ આપવામાં આવ્યું કારણ કે તે લાલ રંગના સેંડસ્ટોનથી બનેલો હતો. લાલ કિલ્લાની અંદર દિવાન-એ-આમ, દિવાન-એ-ખાસ, રંગ મહેલ, ખાસ મહેલ, હમામ, નૌબતખાના, હીરા મહેલ અને શાહી બુર્જ જેવી યાદગાર ઇમારતો છે.
આગ્રાનો કિલ્લો
380 હજાર ચોરસ કિલોમીટરમાં ફેલાયેલો વિશાળ કિલ્લો છે. ઇતિહાસ નોંધે છે કે આ કિલ્લો દેશ પર મુઘલ સામ્રાજ્યના શાસન પહેલા બાંધવામાં આવ્યો હતો. જો કે, અકબરે 16મી સદીમાં આ રેતીના પથ્થરના કિલ્લાને નવો દેખાવ આપવા માટે ફરીથી બનાવ્યો હતો. આગરાના કિલ્લામાં ઘણા આકર્ષણો છે, જેમ કે દિલ્હી ગેટ, મોતી મસ્જિદ, નગીના મસ્જિદ, હોલ ઑફ પ્રાઈવેટ ઑડિયન્સ, લોધી ગેટ, હૉલ ઑફ પબ્લિક ઑડિયન્સ.
જોધપુરનો મેહરાનગઢ કિલ્લો
આ સિવાય તમે જોધપુરનો મેહરાનગઢ કિલ્લો જોવા પણ જઈ શકો છો. આ કિલ્લો તેના ભાવનાત્મક સ્થાપત્ય અને સુંદર દૃશ્ય માટે જાણીતો છે. અહીં તમે ઘણા મહેલો, મંદિરો અને સંગ્રહાલયો જોઈ શકો છો. જો તમે તમારા બાળકોને ઈતિહાસ સાથે જોડાયેલી કોઈ વસ્તુ બતાવવા માંગો છો તો આ જગ્યા પરફેક્ટ સાબિત થઈ શકે છે.
ઓગસ્ટ ક્રાંતિ મેદાન
જો તમે મુંબઈ અથવા મુંબઈની આસપાસના રહેવાસી છો, તો તમે ઑગસ્ટ ક્રાંતિ મેદાન જઈ શકો છો. આ મેદાનમાં જ ગાંધીજીએ 9 ઓગસ્ટ 1942ના રોજ અંગ્રેજો સામે ભારત છોડોનું એલાન આપ્યું હતું. અહીં તમે તમારા પરિવાર સાથે આ મેદાનની મુલાકાત લેવા જઇ શકો છો.
ચંદ્રશેખર આઝાદ પાર્ક
આ સિવાય તમે તમારા પરિવારના સભ્યો સાથે પ્રયાગરાજના ચંદ્રશેખર આઝાદ પાર્કની મુલાકાત લઈ શકો છો. 1931માં ચંદ્રશેખર આઝાદ બ્રિટિશ સૈનિકો સાથે લડ્યા હતા. ચંદ્રશેખર આઝાદે 25 વર્ષની વયે દેશની રક્ષા માટે પોતાનો જીવ આપી દીધો હતો. ચંદ્રશેખર આઝાદ પાર્ક જ્યોર્જ ટાઉન (સિવિલ લાઇન તરફ), પ્રયાગરાજમાં આવેલું છે. આ માત્ર પ્રયાગરાજનું જ નહીં પરંતુ સમગ્ર ઉત્તર પ્રદેશનો સૌથી મોટો પાર્ક છે, જે 133 એકરમાં ફેલાયેલું છે. તે સાર્વજનિક ઉદ્યાન હોવાથી તેના આકર્ષણો લોકોને આકર્ષે છે.અહીં ચંદ્રશેખર આઝાદનું વિશાળ સ્મારક બનાવવામાં આવ્યું છે. આ સ્મારક ઉદ્યાનનું મુખ્ય કેન્દ્ર પણ છે. લોકો ચોક્કસપણે આ સ્મારક સામે ઉભા રહીને સેલ્ફી લે છે. લોકો તેમની વ્યસ્ત જીવનશૈલીમાં સમય પસાર કરીને અહીંની મુલાકાત લેવાનું પસંદ કરે છે.
જલિયાવાલા બાગ
જલિયાવાલા બાગ 6.5 એકરનો જાહેર બગીચો છે જે રાષ્ટ્રીય મહત્વ ધરાવે છે. તે કુખ્યાત જનરલ ડાયર દ્વારા ખુલ્લા ગોળીબારમાં જીવ ગુમાવનારા તમામ લોકોની યાદમાં બનાવવામાં આવ્યો છે. જો કે આ પાર્કના કેટલાક ભાગોને ફરીથી બનાવવામાં આવ્યા છે. તે હજી પણ એક એવી જગ્યા છે જ્યાં તમે એ સમયમાં લઇ જાય છે. દિવાલો પર બુલેટના નિશાન અને છિદ્રો છે. જે તમને 13 એપ્રિલ 1919ના રોજ થયેલા વિનાશની વાર્તા કહે છે. દરેક સ્થળના ઐતિહાસિક મહત્વને જાણવા માટે પાર્કમાં વિવિધ સ્થળોએ માહિતી બોર્ડ મૂકવામાં આવ્યા છે
