Recipe : વજન નિયંત્રણમાં રહેશે, રાત્રિના ડિનરમાં શું બનાવું ચિંતા થઈ દૂર, ફટાફટ બનશે આ વાનગી

મહિલાઓને હંમેશા ભોજનમાં શું બનાવું તેની ચિંતા રેહતી હોય છે. સવારના ભોજનમાં સામાન્ય રીતે દાળ-ભાત અને કઠોળનું મેનુ ફ્કિસ હોય છે. પરંતુ રાત્રિના ડિનરમાં શું બનાવું તેને લઈને મહિલાઓને મૂંઝવણ રહે છે. દરરોજ ફરસાણ કે પરાઠા ખાઈ વધતા વજન પર કેવી રીતે નિયંત્રણ કરવું તે મોટી સમસ્યા બને છે. વજન નિયંત્રણમાં રાખવા આજે તમને બેસ્ટ વાનગી જણાવીશું. નોંધી લો આ દલિયાની વાનગીની રીત.

દલિયા બનાવવા માટે સામગ્રી: તમે દલિયાને સ્વાદિષ્ટ બનાવવા પાઉંભાજીનો મસાલો નાખી શકો છો. તમે દલિયા બનાવતા પહેલા ડુંગળી, ટામેટાં અને ગાજરને ઝીણા સમારી લો. તેમજ સ્વાદ પ્રમાણે મીઠું લો.

• 1 કપ દલિયા
• ટી. સ્પૂન રઈ
• 1 ડુંગળી
• 1 ટામેટું
• 1 ગાજર
•  1/4 કપ કેપ્સિકમ
• 1 કપ પાણી

દલિયા બનાવવાની રીત :

• દલિયા બનાવવા માટે સૌ પ્રથમ તેને સૂકા સોનેરી રંગના થાય ત્યાં સુધી સાંતળી લો. પછી કુકરમાં એક કપ પાણી ઉમેરી તેમાં દલિયા નાખી દો. પછી આ મિશ્રણમાં અડધી ચમચી ઘી અને સ્વાદ મુજબ મીઠું ઉમેરી કુકરનું ઢાંકણ બંધ કરો. તમે એક કે બે પ્રેશર કૂકરની સીટી વગાડી લો.
• હવે બીજી બાજુ હવે એક કડાઈમાં ઘી ગરમ કરવા મૂકો. અને ઘી ગરમ થાય એટલે રાઈ નાખો અને તે તતડે એટલે તેમાં ઝીણા સમારેલા કેપ્સિકમ, ગાજર, વટાણા અને કઠોળ સહિત શાકભાજી ઉમેરો.
• પછી આ શાકભાજીમાં સ્વાદ અનુસાર મીઠું ઉમેરી ધીમા તાપે 10 મિનિટ સુધી ચઢવા દો. અને પછી છેલ્લે ડુંગળી નાખો. ડુંગળી વૈકલ્પિક છે. તમે ના ખાતા હોય તો ટાળી શકો છો.
• ત્યારબાદ ટામેટાં ઉમેરી 5 મિનિટ બાદ પાવ ભાજી મસાલો ઉમેરી સારી રીતે મિક્સ કરો. અને હવે છેલ્લે તેમાં કૂકરમાં કૂક થયેલા દલિયા બરાબર રીત મિક્સ કરો.

આ પરફેક્ટ વાનગી

આ વાનગી ફાઇબર, વિટામિન અને ખનિજોથી ભરપૂર હોવાથી વરસાદી સિઝનમાં રાત્રિના ડીનરમાં તેનું સેવન વધુ ફાયદાકારક છે. દલિયા હલકું, સરળતાથી સુપાચ્ય અને ઉર્જાથી ભરપૂર ખોરાક છે. બાળકો, વૃદ્ધો અને વજન ઘટાડવા માટે આ પરફેક્ટ વાનગી છે.