આરોગ્ય સ્વસ્થ રાખવા રોજિંદી દીનચર્યામાં સ્વસ્થ આદતો અપનાવીએ છીએ. આપણે તંદુરસ્ત રહેવા ખાસ પૌષ્ટિક આહારનું સેવન કરતા હોઈએ છીએ. જો કે પૌષ્ટીક આહારમાં ફયો ખોરાક આવે તેને લઈને લોકોમાં મૂંઝવણ છે. કારણ કે દરેક નિષ્ણાત કહે છે કે સારા સ્વાસ્થ્ય માટે ફળ અને શાકભાજી ખાવાની સલાહ આપે છે. પરંતુ સ્વસ્થ અને ફિટ રહેવા માટે ફળ અને શાકભાજી બંનેમાંથી કયું શ્રેષ્ઠ તેને લઈને આરોગ્ય નિષ્ણાતે સલાહ આપી.
શરીર સ્વસ્થ રાખવા પોષકતત્વો જરૂરી
ફળો અને શાકભાજી પોષક તત્વોથી ભરપૂર હોય છે જે યોગ્ય રીતે કાર્ય કરે છે. બંનેને આહારનો મહત્વપૂર્ણ ભાગ માનવામાં આવે છે. બંને કુદરતી રીતે ઉગે છે અને તેમાં અસંખ્ય પોષક તત્વો હોય છે. આરોગ્ય નિષ્ણાતના મતે સ્વસ્થ રહેવા માટે શરીરમાં પૂરતા પ્રમાણમાં વિટામિન, ખનીજ અને ફાઈબર જેવા પોષકતત્વો હોવા જરૂરી છે. અને શાકભાજીમાં સુગરનું પ્રમાણ ઓછું અને વિટામિન, ખનિજો અને ફાઇબર રહેલા છે જયારે કેળા જેવા ફળોમાંથી કુદરતી શર્કરા મળી રહે છે. તેના કારણે શરીરમાં કૃત્રિમ સ્વીટનર્સનો ઉપયોગ કરવાની જરૂર પડતી નથી.
