Rakshabandhan Special : ગુલાબજાંબુ નહીં રક્ષાબંધન તહેવારમાં બનાવો લોકોની સૌથી ફેવરટી મીઠાઈ, ભાઈને આપો બેસ્ટ ગિફ્ટ

રક્ષાબંધન તહેવાર ભાઈ-બહેનના સંબંધને સમર્પિત છે. આ વર્ષે 9 ઓગસ્ટના રોજ રક્ષાબંધન તહેવારની ઉજવણી થશે. બજારમાં અત્યારે રંગબેરંગી રાખડીનું ધૂમ વેચાણ થઈ રહ્યું છે. કોઈપણ તહેવાર મીઠાઈ વગર અધૂરા છે. સામાન્ય રીતે આ તહેવારમાં મોટાભાગના ઘરોમાં ગુલાબજાુંબની મીઠાઈ બને છે. આ રક્ષાબંધન પર તમે ભાઈ સાથેના સંબંધ મધુર બનાવવા મીઠાઈમાં એક નવી વાનગી બનાવી શકો છો.

રક્ષાબંધન તહેવારને ખાસ બનાવો

તમે રક્ષાબંધન પર ભાઈની મનપસંદ મીઠાઈ બનાવી શકો છો. મોટાભાગના યુવાનોને અત્યારે કેક વધુ પસંદ છે. તમે રસમલાઈ કેક બનાવશો તો બાળકોને સાથે મોટાઓને પણ પસંદ આવશે. રસમલાઈ કેક એક ફયૂઝન સ્વીટ ડીશ બનશે. આ મીઠાઈ ઉપરાંત અત્યારે બજારમાં જલેબીની પણ સિઝન છે. સામાન્ય રીતે નવરાત્રીમાં ફાફડા-જલેબી ખાવાની પરંપરા છે. એવું કહેવાય છે કે ભારતમાં મીઠાઈમાં જો કોઈ સૌથી વધુ વાનગી ખાવામાં આવે તો તે જલેબી છે. જલેબી બનાવવાની બહુ સરળ રીતે છે. આ મીઠાઈને વધુ સ્વાદિષ્ટ કરવા રબડીનો ઉપયોગ કરવો. અનેક લોકોની ફેવરીટ છે રબડી જલેબી.

બનાવો હેલ્ધી અને પૌષ્ટિક મીઠાઈ

શ્રાવણમાં મહિનામાં આવતા આ તહેવારમાં અનેક લોકો વ્રત કરે છે. જો તમારા ભાઈ શ્રાવણ મહિનાનો એકટાણું કરતા હોવ તો તમે ડ્રાયફ્રૂટ લડ્ડુ અને નારિયેળમાંથી બનતા લાડુ મીઠાઈ બનાવી શકો છો. આ મીઠાઈ હેલ્ધી અને પૌષ્ટિક છે. બંને મીઠાઈમાં ડ્રાયફ્રૂટનો ઉપયોગ થતો હોવાથી તે સ્વાસ્થ્ય માટે ફાયદાકરક છે. એટલે જે લોકોને સુગરની સમસ્યા હોય તેમના માટે આ મીઠાઈ બેસ્ટ છે. આ સિવાય તમે દૂધમાંથી બનતી બરફી અને કાજુકતરીની મીઠાઈ બનાવી શકો છો. આ મોટાભાગની મીઠાઈ લોકોને વધુ પસંદ છે. આ મીઠાઈ બનાવી તહેવારને ખાસ બનાવો.