મહિલાઓ માટે તહેવારના દિવસો વધુ પડકારભર્યા હોય છે. આ દિવસોમાં અન્ય દિવસો કરતાં કાર્યો વધી જાય છે. અને એટલે મહિલાઓ રસોડાના કામમાંથી જલ્દી મુક્ત થવા ઇચ્છે છે. રસોડાના કેટલાક કામો વધુ ગૂંચવણભર્યા હોય છે. કેટલીક વખત સામાન્ય બેદરકારી રસોડાનું કામ વધારી દે છે. આજે તમને રસોડાની કિટલીક ટિપ્સ શેર કરી રહ્યા છે જે તમારા કાર્યોને વધુ સરળ બનાવશે.
કિચન હેકસથી તહેવારમાં કામ બનશે સરળ
શાકની ગ્રેવી કરો ત્યારે તેમાં દહીં નાખો છો તો તેને મધ્યમ તાપ પર રાંધો. આમ, કરવાથી દહીં ફાટશે નહીં. વાનગીમાં લીંબુનો ઉપયોગ કર્યા બાદ તેની છાલ ફેંકવાના બદલે સંગ્રહિત કરો. છાલ પર મીઠું છાંટીને તડકામાં છોડી દેવાથી લીંબુની છાલમાંથી બનેલું અથાણું તૈયાર થઈ જશે. રસોડામાં ભોજન રાંધ્યા બાદ પ્લેટફોર્મ જરૂર સાફ કરવું જોઈએ. નહીંતર કીડીઓ, માખીઓ અને વંદો આવવા લાઘશે. નાસ્તા માટે પૌંઆ ધોઓ ત્યારે એકબીજા સાથે ચોંટી જાય છે. આને રોકવા માટે, પોહા ધોયા પછી તેમાં લીંબુનો રસ મિક્સ કરો. આનાથી પોહા એકબીજા સાથે ચોંટતા અટકશે.
