શિયાળાની ઠંડીની શરૂઆત થઈ ગઈ છે. ઠંડી આવતા જ લોકોને બાજરીનો રોટલો, રીંગણનો ઓળો જેવી વાનગી યાદ આવે છે. દરેક લોકોને બાજરીનો રોટલો ખાવાનું પસંદ નથી હોતું. ઠંડીમાં સ્વાદિષ્ટ વાનગીનો આનંદ માણવા તમે લીલીભાજીમાંથી બનતા આ શાકભાજી જરૂર ખાવો. સરસોનું શાક શિયાળાની બેસ્ટ ટેસ્ટી વાનગી છે. આ શાકમાં લીલા પાંદડવાળા શાકભાજી સાથે લસણ અને આદુનો ઉપયોગ થાય છે. ઠંડીમાં આ વસ્તુઓનું સેવન શરીરને ઉર્જાવાન રાખે છે. આદુ અને લસણ કબજીયાતની સમસ્યામાં ફાયદાકારક છે. ઠંડી ભગાડવા અને શરીરને સુસ્તી દૂર કરવા તમે સરસોના શાક સાથે મકાઈનો રોટલો ખાશો તો ભોજનનો આનંદ બમણો થશે. નોંધી લો સરસોનું શાક બનાવવાની સરળ રેસીપી.


સરસોના શાક માટે સામગ્રી :

  • 1 જુડી સરસો ની ભાજી
  • 1 જુડી પાલક ની ભાજી
  • 1 મુઠી મેથી ની ભાજી,1 મુઠી બાથુઆની ભાજી
  • 2 ચમચી દેશી ગાયનું ઘી
  • 1 ઝીણી ડુંગળી સમારેલી
  • 1 ચમચી આદુ અને મરચાંની પેસ્ટ
  • 1 ચમચી ઝીણું સમારેલું લસણ
  • 1 ચમચી ગરમ મસાલો
  • 1 ટી સ્પૂન હિંગ

સરસોનું શાક બનાવવાની રીત  :

સરસોની ભાજી બનાવવા માટે સૌ પહેલા તમામ ભાજી પાણીથી સાફ કરી લો. પછી એક મોટા વાસણમાં બધી ભાજી ડૂબે એટલું પાણી લઈ ભાજીલઈને પાણી ઉકાળો. તેમાં ચપટી મીઠું અને ચપટી ચમચી બેકિંગ સોડા નાખી બધી ભાજી ઉકાળી જાય બાદ ચારણીમાં કાઢી પાણી નિતારી લો. બધી ભાજી ઠંડી થઈ જાય બાદ મિકસરમાં નાખી પેસ્ટ બનાવી લો. પછી એક કઢાઈમાં 2 ચમચી દેશી ઘી ઉમેરી તેમાં ચપટી હિંગ નાખી ઝીણી સમારેલ ડુંગળીને સાંતળી લો. ત્યારબાદ તેમાં લસણ નાખી સાંતળી લો. પછી તેમાં આદું-મરચાંની પેસ્ટ નાખીને બરાબર હલાવી સાંતળો. તમામ મસાલા શેકાઈ જાય બાદ તેમાં હળદર ઉમેરી ભાજીની પેસ્ટ નાખો અને પછી ધાણાજીરું પાઉડર અને ગરમ મસાલો અથવા કિચન કિંગ મસાલો ઉમેરી હલાવી લો. પછી ધીમા તાપે હલાવતા રહી તેમાંથી ઘી ના છૂટી જાય ત્યાં સુધી ગેસ પર ધીમા તાપે ચઢવા દો. 10 મિનિટમાં જ સરસોનું શાક તૈયાર થઈ જશે. મકાઈનો રોટલા માટે 250 ગ્રામ મકાઈનો લોટ અને 1 ચમચી ઘઉંનો લોટ લઈ ગરમ પાણીથી લોટ બાંધવો અને રોટલા વણવા. આ શાકને તમે ગરમા ગરમ મકાઈ ના રોટલા અને સમારેલી ડુંગળી અથવા તો પંજાબી અથાણાં સાથે ખાઈ શકો છો. 

Also Read

  • Follow us on: