Makar Sankranti 2026: ઉત્તરાયણ પર બનાવો તલની આ ખાસ વસ્તુ, ઠંડી સામે મળશે રાહત

શિયાળાની સીઝનમાં અનેક એવી વસ્તુઓ છે જે શરીરને ગરમ રાખવામાં મદદ કરે છે. તમારે આ વસ્તુઓને ડેઈલી ડાયટમાં સામેલ કરી લેવી જોઈએ જેથી બીમાર થવાની શક્યતાઓ ઘટાડી શકાય. તલનું સેવન શિયાળામાં ફાયદારૂપ માનવામાં આવે છે. તે શરીરને ગરમ રાખવામાં મદદ કરે છે.

ગજક બનાવો ઘરે જ

વળી અત્યારે ઉત્તરાયણ આવી છે એટલે લોકો ધાબે તલ સાંકળી, ઉંધિયુ, બોર, સુખડી વગેરે વગેરે ખાશે.  ત્યારે જો તમે તલમાંથી એક જબરદસ્ત વસ્તુ બનાવતા આજે તમને શીખવીશું. જે તલસાંકળી અને સુખડી કરતા કંઇક અલગ લાગશે. અને તે છે ગજક. 

બજારમાં ગજક સરળતાથી મળી રહ્યા છે પણ જો તમે તેને ઘરે બનાવવા ઈચ્છો છો તો તમે સરળતાથી હેલ્ધી અને ટેસ્ટી ગજક તૈયાર કરી શકો છો. તો જાણો કેવી રીતે પરફેક્ટ માપ સાથે તેને ફટાફટ બનાવી શકાશે.

તલના ગજક માટેની સામગ્રી 

• - એક કપ તલ
• - પોણો કપ ગોળ
• - બે ટીસ્પૂન ઘી
• - અડધી ટીસ્પૂન એલચી પાઉડર
• - અડધો કપ પાણી
• - પા કપ પિસ્તાની કતરણ

રીત

એક પેન લો અને તેમાં તલને ધીમા તાપે શેકી લો. તલ શેકતા ગેસ ધીમો રાખો. જેથી તે સારી રીતે શેકાઈ જાય. તલ સોનેરી થાય તો તેને પેનમાંથી પ્લેટમાં કાઢીને ઠંડા કરો. હવે તલ સહેજ ઠંડા થાય એટલે તેનો ખાંડીને ભૂકો કરી લો. હવે ગોળમાં અડધો કપ પાણી નાંખી તેની ઘટ્ટ ચાસણી બનાવી લો. ચાસણી તૈયાર થઈ જાય એટલે તેમાં શેકેલા અને ખાંડેલા તલ અને એલચીનો ભૂકો નાંખી મિક્સ કરી લો. ત્યારબાદ એક પ્લેટમાં સહેજ ઘી લગાવી તેના ઉપર આ મિશ્રણ પાથરી દો. સહેજ ઠંડું થાય એટલે તેના ચોરસ કટકા કરી સર્વ કરો. હવે તેની પર પિસ્તાની કતરણ પાથરી દો. તૈયાર છે તમારો ગજક.

આ પણ વાંચો- Ruchak Rajyog: 7 દિવસ બાદ મંગળ ચમકાવશે આ રાશિની કિસ્મત, નોકરી ધંધામાં થશે પ્રગતિ