Methi Paneer Recipe : શિયાળામાં સ્વાદ અને સ્વાસ્થ્ય માટે બેસ્ટ વિકલ્પ, ઘરે બનાવો મેથી પાનની આ વાનગી

શિયાળામાં ભૂખ વધુ લાગતી હોય છે. એટલે એવી કઈ વાનગી ખાવી જે સ્વાદિષ્ટ હોય અને હેલ્થ માટે પણ સારી હોય. બપોરનું ભોજન કે પછી રાત્રિના ડિનરમાં આ વાનગી બેસ્ટ છે. ઘરે આવતા મહેમાનોનું તમે આ વાનગી બનાવી સ્વાગત કરી શકો છો. શિયાળામાં લીલી ભાજીમાંથી બનતી આ વાનગી સ્વાદ અને સ્વાસ્થ્ય માટે શ્રેષ્ઠ છે. અત્યારે બજારમાં લીલી મેથી વધુ તાજી મળે છે. તમે હેલ્થ માટે પરફેક્ટ મેથી પનીરની વાનગી બનાવી શકો છો. ઘરે આ રીતે વાનગી બનાવશો તો તે હોટલ જેવી ટેસ્ટી બનશે.

મેથી પનીર બનાવવા માટે સામગ્રી :

તમાલપત્ર, જીરું, એલચી, લવિંગ, તજ, લાલ મરચું, હળદર, ગરમ મસાલો, પાણી અને મીઠું જરૂર મુજબ લેવું, ઝીણી સમારેલી કોથમીર ઉપરથી નાખવી.

• 1 કપ - પનીર
• 1 કપ મેથીના પાન
• 4 ચમચી તેલ
• 1 ટામેટા
• 1 ડુંગળી
• 1 ચમચી ક્રીમ
• 2 ચમચી કાજુની પેસ્ટ
• 1 ચમચી આદુ-લસણની પેસ્ટ

મેથી પનીર બનાવવાની રીત :

• શિયાળામાં મેથી પનીરની વાનગી લોકોને બહુ પસંદ આવે છે. આ બનાવવા માટે સૌપ્રથમ મેથીના પાનને સારી રીતે ધોઈને સાફ કરો. તેને બારીક કાપો. એક તપેલી ગરમ કરો અને તેમાં 1 ચમચી તેલ ઉમેરો. મેથીના પાનને સારી રીતે રાંધો અને પ્લેટમાં કાઢી લો.
• ત્યારપછી બીજા એક પેનમાં તેલ ઉમેરો અને તેમાં જીરું, એલચી, લવિંગ, તજ અને તમાલપત્ર ઉમેરો. પછી, આદુ-લસણની પેસ્ટ અને ડુંગળી ઉમેરો અને તેને સાંતળો. બારીક સમારેલા ટામેટાં ઉમેરો અને નરમ થાય ત્યાં સુધી રાંધો. 
• હવે મેથીના પાન ઉમેરો. ધાણા પાવડર, મીઠું, કાજુની પેસ્ટ, હળદર અને લાલ મરચાંનો પાવડર ઉમેરો અને સારી રીતે મિક્સ કરો. મસાલા રાંધાઈ જાય પછી, પનીરના ટુકડા ઉમેરો. બધું બરાબર મિક્સ કરો અને થોડું પાણી અને ગરમ મસાલો ઉમેરો.
• ઢાંકીને રાંધો. જ્યારે તે ઘટ્ટ થાય, ત્યારે ક્રીમ અને ધાણાના પાન ઉમેરો. આ રીતે તમે મેથીનું પનીર તૈયાર કરી શકો છો. આ વાનગી લંચ અને ડિનર બંને સમય પર રોટલી, પુરી, પરાઠા અથવા ભાત સાથે ખાઈ શકો છો.

આ પણ વાંચો : Winter Recipe Hara Bhara Kabab : વેડિંગ સિઝન અને વિન્ટર સિઝનનો બેસ્ટ સ્નેક્સ એટલે હરાભરા કબાબ, ઘરે બનાવશો તો બાળકોને મોજ