તમને પણ છે હિમોગ્લોબીનની ખામી તો શિયાળાામાં બનાવો બીટની આ વાનગી

• બીટ હિમોગ્લોબીનનો છે બેસ્ટ સોર્સ
  
• દહીં અને બીટ બંને હેલ્થને માટે રહે છે સારા
• જાણો બીટનું રાયતું બનાવવાની સરળ રેસિપિ

લંચ અને ડિનર પાર્ટીમાં દહીંની સાથે અનેક પ્રકારની વાનગીઓ પીરસવામાં આવે છે. હાલમાં શિયાળાની સીઝન ચાલી રહી છે. આ સમયે તમે શક્ય તેટલા અલગ પ્રકારમાં બીટનો ઉપયોગ ભોજનમાં કરી શકો છો. તેની વિવિધ અને ટેસ્ટી વાનગીઓ તમે બે હાથે ખાશો અને સાથે જ તમારા શરીરનું હિમોગ્લોબીન વધારવામાં પણ તમને મદદ મળશે. તો જાણો તમે કઈ રીતે દહીં સાથે બીટનો ઉપયોગ કરીને ટેસ્ટી રાયતું ઘરે સરળતાથી બનાવી શકો છો.

સામગ્રી

• 2 કપ દહીં
• 3 ટીસ્પૂન બાફેલું બીટ
• 1 ચમચી કાકડી
• 1/2 ડુંગળી છીણેલી
• 1/2 ટી સ્પૂન મીઠું
• 2 ટી સ્પૂન કોથમીર

બનાવવાની રીત

એક બાઉલ લો અને તેમાં દહીંને ફેંટી લો. હવે તેમાં બાફેલું બીટ મિક્સ કરો. બંને વસ્તુને એકસાથે બ્લેન્ડ કરીને મિક્સ કરી લો. તેને એક બાઉલમાં કાઢી લો અને હવે તેમાં કાકડી, ડુંગળી મિક્સ કરો. તેમાં મીઠું મિક્સ કરો. હવે તમે તેમાં લીલી કોથમીર મિક્સ કરી લો. હવે તમારું રાયતું સર્વ કરવા માટે તૈયાર છે.