Vrat Special: ગોરમાને માટે બનાવો કેસર ડ્રાયફ્રૂટ મિલ્ક, જાણો સરળ રેસિપિ

• કેસર ડ્રાયફ્રૂટ મિલ્ક આપશે નવો ટેસ્ટ
  
• ગોરમાને સવારમાં આપો 1 ગ્લાસ દૂધ
• ઝડપથી ઘરે જ બની જશે આ દૂધનો ગ્લાસ

હાલમાં ગૌરી વ્રત અને જયા પાર્વતી વ્રત ચાલી રહ્યા છે. આ સમયે કન્યાઓ અલૂણા વ્રત કરે છે. આ સમયે તેમનો સ્ટેમિના જળવાઈ રહે તે માટે એક ટંક અલૂણા ભોજનની સાથે તેમને સ્વીટ ડિશ પણ આપવી. જો રોજ સ્વીટ ડિશ શક્ય ન હો તો તમે દિવસમાં 1 ગ્લાસ આ ખાસ દૂધ તેમને આપી શકો છો. તેનાથી તેમનો સ્ટેમિના જળવાઈ રહેશે અને તેમનું પેટ પણ ભરેલું રહેશે. તો જાણો સિમ્પલ રેસિપિ.

કેસર ડ્રાયફ્રૂટ મિલ્ક

સામગ્રી

• 1 કપ દૂધ
• 5-6 કેસરના તાંતણા
• 2 ચમચી ખાંડ
• 1/2 ચમચી એલચી પાઉડર
• 3-4 નંગ પિસ્તાની કતરણ
• 3 નંગ બદામની કતરણ
• ચપટી સૂંઠ પાઉડર

બનાવવાની રીત

સૌ પહેલા એક તપેલીમા દૂધ ગરમ કરવા મૂકો. તેમાં એક ઉભરો આવે એટલે તેમાં કેસરના તાંતણા, ખાંડ, એલચી પાઉડર, સૂંઠ પાવડર, પિસ્તા અને બદામને પણ ઉમેરી લો. તમામ વસ્તુઓેને ઉમેર્યા બાદ તેને 5 મિનિટ સુધી ઉકાળો. દૂધ ઉકળે એટલે ગેસ બંધ કરી દૂધને 1 કપમાં કાઢી લો. વ્રતમાં સ્ટેમિના જાળવી રાખવા માટે તૈયાર છે કેસર ડ્રાયફ્રૂટ મિલ્ક. વ્રત સમયે બનાવાતા આ દૂધમાં સૂંઠ પાવડર મેળવવાથી દિવસભરના અલૂણા ઉપવાસમાં ગેસની સમસ્યાથી છૂટકારો મળી રહે છે. આ સાથે આ દૂધમાં તેને ચપટીભર મિક્સ કરી લેવાથી તેનો સ્વાદ પણ ખ્યાલ આવતો નથી. માટે તેને ભેળવવામાં આવે છે. ઉપવાસમાં રોજ સવારે 1 ગ્લાસ આ દૂધ પીવાથી ગોરમાને રાહત રહે છે. તો તમે પણ કરી લો તૈયારીઓ.