Monsoon 2024: મુંબઇમાં વરસાદી માહોલ,કારમાં પાણી ભરાય તો કેવી રીતે બચશો?

• દેશમાં જોવા મળી રહ્યો છે વરસાદી માહોલ
  
• નીચાણવાળા વિસ્તારો પાણીમાં ગરકાવ
• વાહન તમારુ પાણીમાં ડૂબીજાય તો શું કરશો ?

દેશમાં વરસાદી માહોલ જોવા મળી રહ્યો છે. આસામ, ઉત્તરાખંડ, મહારાષ્ટ્રમાં તો મેઘરાજા ધમાકેદાર બેટિંગ કરી રહ્યા છે. મુંબઇમાં ધોધમાર વરસાદ વરસતા નીચાણવાળા વિસ્તારો પાણીમાં ગરકાવ થયા છે. એવા પાણી ભરાયા છે કે કાર અને ટુ વ્હિલર પણ પાણીમાં ગરકાવ થયા છે. ત્યારે તમારી કાર પાણીમાં ડૂબી જાય તો શું કરવુ. આવો જાણીએ.

કારનો દરવાજો ખોલો અને બહાર નીકળો

જો કારની બહારનું પાણી કારની બારી સુધી ન પહોંચ્યું હો તો તરત જ તમારો જરૂરી સામાન લઈને કારમાંથી બહાર નીકળો. જો પાણીનું સ્તર વધે તો કારમાંથી બહાર નીકળવું મુશ્કેલ બની શકે છે.

પાણીનું સ્તર વધારે હોય તો શું કરવું ?

• જો વરસાદનું પાણી કારની બારીના લેવલ કરતાં વધી જાય તો તમે કારનો દરવાજો પણ ખોલી શકતા નથી. આવી સ્થિતિમાં તાત્કાલિક વાહનમાંથી બહાર નીકળવું જરૂરી બની જાય છે, કારણ કે કાર પાણી જવાથી શોર્ટ સર્કિટ પણ થઈ શકે છે.
• કારમાંથી બહાર નીકળવા માટે તમારે કારના કાચ તોડવા પડશે. પરંતુ કારનો કાચ ખૂબ જ મજબૂત છે, તેને સરળતાથી તોડી શકાતો નથી. આ માટે તમારે સીટનો હેડરેસ્ટ બહાર કાઢવો પડશે. હેડરેસ્ટના તીક્ષ્ણ ભાગથી કારનો કાચ તોડી શકાય છે અને પછી તમે બારીમાંથી કારની બહાર નીકળી શકો છો.

વાહન ડૂબી જાય તો શું કરવું?

• જો તમારી કાર સંપૂર્ણપણે પાણીમાં ડૂબી ગઈ છે અને કારની અંદર અને બહાર પાણીનું સ્તર સમાન છે, તો તમે કારનો દરવાજો ખોલીને બહાર નીકળી શકો છો. પરંતુ આ કરવું ખૂબ મુશ્કેલ હોઈ શકે છે.
• બીજી રીત એ છે કે તમે પહેલા કારની આગળની સીટ પરથી પાછળની સીટ પર જાઓ, કારણ કે મોટા ભાગના વાહનોમાં એન્જીન આગળની સીટ પર લાગેલું હોય છે. જેના કારણે આગળના ભાગમાં વધુ વજન હોવાને કારણે કાર આગળથી પહેલા ડૂબી જાય છે. આ પછી તમારી કારની ટ્રંક ખોલવાનો પ્રયાસ કરો. કારની પાછળની સીટ નીચે કરવાથી તમને એક ઈમરજન્સી સ્વીચ દેખાશે, જેને દબાવવાથી કાર પાછળથી ખુલશે. જ્યારે કાર ખુલે ત્યારે પાછળના દરવાજેથી બહાર નીકળીને જીવન બચાવી શકાય છે.