ગુજરાત સ્થાનિક સ્વરાજની ચૂંટણીમાં ભારતીય જનતા પાર્ટીએ અકલ્પનીય વિજય મેળવીને રાજ્યમાં ફરી એકવાર પોતાની એકચક્રી શાસન શક્તિ સાબિત કરી દીધી છે. 15 મહાનગરપાલિકાઓ, જિલ્લા પંચાયતો અને તાલુકા પંચાયતોમાં કેસરીયો લહેરાયો છે. આ પરિણામોએ સાબિત કર્યું છે કે ગુજરાતમાં વિપક્ષ અત્યારે પાયા વિહોણો બની રહ્યો છે.
મનપામાં એકતરફી શાસન
અમદાવાદની 192 બેઠકોમાંથી 160 પર કબજો કરી ભાજપે જંગી બહુમતી મેળવી છે. જ્યારે સુરતમાં 115, વડોદરામાં 69 અને રાજકોટમાં 65 બેઠકો સાથે ભાજપનો વિજયધ્વજ લહેરાયો છે. આશ્ચર્યજનક રીતે, પોરબંદર અને મોરબીમાં ભાજપે તમામ 52-52 બેઠકો જીતીને વિપક્ષનું ખાતું પણ ખોલવા દીધું નથી. જામનગર અને ભાવનગરમાં પણ ભાજપની લહેર જોવા મળી છે.
