કુદરતી સૌંદર્યથી છવાયેલા ડાંગ જિલ્લામાં આજે સ્થાનિક સ્વરાજ્યની ચૂંટણી 2026 અંતર્ગત અત્યંત ઉત્સાહભર્યા માહોલમાં મતદાન પ્રક્રિયા સંપન્ન થઈ છે. ડાંગ જિલ્લાના મતદારોએ પરંપરાગત વસ્ત્રોમાં સજ્જ થઈ વહેલી સવારથી જ મતદાન મથકો પર લાંબી કતારો લગાવી હતી. સાંજે 5 વાગ્યા સુધીમાં જિલ્લામાં સરેરાશ 77.17 ટકા જેટલું ભારે મતદાન નોંધાયું છે.
મતદાનના મુખ્ય આંકડા
ડાંગ જિલ્લામાં કુલ 1,93,588 મતદારો નોંધાયેલા છે, જેમાંથી 1,45,342 મતદારોએ પોતાના મતાધિકારનો ઉપયોગ કર્યો હતો. જિલ્લા પંચાયતની બેઠકો માટે સરેરાશ 77.1 ટકા મતદાન થયું છે.
