કેએલ રાહુલના કારણે વિરાટ કોહલીએ ફટકારી સદી, મિત્રતા ખાતર અપનાવી આ રણનીતિ

• ભારતે બાંગેલાદેશને 7 વિકેટે હરાવ્યું
  
• વિરાટ કોહલી 103 રન બનાવીને અણનમ પરત ફર્યો
• વર્લ્ડકપમાં ટાર્ગેટ ચેઝ કરતા વિરાટની પ્રથમ સદી

વિરાટ કોહલીએ બાંગ્લાદેશ સામે 97 બોલમાં 103 રનની શાનદાર ઇનિંગ રમીને ભારતને જીત અપાવી હતી. પરંતુ વિરાટ કોહલી સદી ખાતર રમી રહ્યો ન હતો! વાસ્તવમાં, વિરાટ કોહલી સિંગલ લઈને નોન સ્ટ્રાઈક પર જવા માંગતો હતો, પરંતુ કેએલ રાહુલે વિરાટ કોહલીને સિંગલ્સ લેવાની ના પાડી હતી. જે બાદ વિરાટ કોહલીએ પોતાની ODI કરિયરની 48મી સદી ફટકારી હતી. આ સાથે વર્લ્ડકપમાં ટાર્ગેટ ચેઝ કરતા વિરાટે પ્રથમ સદી ફટકારી હતી.

રાહુલે વિરાટને સદી માટે મનાવ્યો

કેએલ રાહુલે બાંગ્લાદેશ સામેની જીત બાદ ગુરુવારે જણાવ્યું હતું કે, મેં વિરાટ કોહલીને કહ્યું કે તે સિંગલ નહીં લે, જે બાદ વિરાટ કોહલીએ કહ્યું કે જો તે સિંગલ નહીં લે તો લોકોને ખરાબ લાગશે. આમ કરવાથી લોકો કહેશે કે હું મારા અંગત રેકોર્ડ માટે રમી રહ્યો છું. આ પછી કેએલ રાહુલે કહ્યું કે આપણે મેચ સરળતાથી જીતી રહ્યા છીએ, તમે પણ તમારી સદી પૂરી કરી શકો છો. ત્યારબાદ વિરાટ કોહલી સંમત થયો. આ પછી વિરાટ કોહલીએ સિક્સર ફટકારીને પોતાની સદી પૂરી કરી હતી. તેમજ ભારતીય ટીમે સતત ચોથી જીત અપાવી હતી.

ભારતની જીત બાદ પોઈન્ટ ટેબલમાં કેટલો ફેરફાર થયો?

ભારતીય ટીમના હવે 4 મેચમાં 8 પોઈન્ટ છે. જો કે ભારતીય ટીમ પોઈન્ટ ટેબલમાં હજુ પણ બીજા સ્થાને છે. ભારત અને ન્યુઝીલેન્ડના 8-8 પોઈન્ટ સમાન છે, પરંતુ ન્યુઝીલેન્ડ ટીમનો નેટ રન રેટ ભારત કરતા સારો છે. હવે ભારતીય ટીમ ન્યુઝીલેન્ડના પડકારનો સામનો કરશે. ભારત અને ન્યુઝીલેન્ડ વચ્ચે 22 ઓક્ટોબરે ધર્મશાળામાં મેચ રમાશે. આ પછી ભારતીય ટીમ ઈંગ્લેન્ડ, શ્રીલંકા, દક્ષિણ આફ્રિકા અને નેધરલેન્ડ જેવી ટીમો સામે રમશે.

રોહિત શર્માએ ફરી તોફાની શરૂઆત કરી

ભારતીય બોલરો બાદ બેટ્સમેનોએ પોતાની તાકાત બતાવી હતી. ભારતીય ટીમને જીત માટે 257 રનનો ટાર્ગેટ મળ્યો હતો. ભારતે 41.3 ઓવરમાં 3 વિકેટે 261 રન બનાવીને મેચ જીતી લીધી હતી. ભારત માટે ઓપનર રોહિત શર્મા અને શુભમન ગિલે પ્રથમ વિકેટ માટે 88 રન જોડ્યા હતા. રોહિત શર્મા 40 બોલમાં 48 રન બનાવીને પેવેલિયન પરત ફર્યો હતો. શુભમન ગીલે પચાસ રનનો આંકડો પાર કર્યો હતો. શુભમન ગિલ 55 બોલમાં 53 રન બનાવીને આઉટ થયો હતો. આ પછી વિરાટ કોહલીએ શાનદાર સદી ફટકારી હતી. ભૂતપૂર્વ ભારતીય કેપ્ટન 97 બોલમાં 103 રન બનાવીને નોટઆઉટ પરત ફર્યો હતો. જોકે, શ્રેયસ અય્યર માત્ર 19 રન બનાવીને આઉટ થયો હતો, પરંતુ વિરાટ કોહલીએ બાંગ્લાદેશી બોલરોને કોઈ તક આપી ન હતી. આ સિવાય કેએલ રાહુલ 34 બોલમાં 34 રન બનાવીને નોટઆઉટ રહ્યો હતો.