મુંબઈના 4-બેટ્સમેન ચેન્નાઈ સુપર કિંગ્સ તરફથી રમશે, મેદાનમાં જોવા મળશે અનોખો સંયોગ

• મુંબઈ ઈન્ડિયન્સ અને CSK વચ્ચે મેચ
  
• મુંબઈના વાનખેડે સ્ટેડિયમમાં રમાશે મેચ
• મુંબઈના ચાર ખેલાડી CSK તરફથી રમશે

IPL 2024ની 29મી મેચમાં આજે ચેન્નાઈ સુપર કિંગ્સનો સામનો મુંબઈ ઈન્ડિયન્સ સાથે થશે. આ મેચ મુંબઈના હોમ ગ્રાઉન્ડ વાનખેડે સ્ટેડિયમમાં રમાશે. આ મેચમાં એક અનોખો સંયોગ જોવા મળી શકે છે. મુંબઈના 4 બેટ્સમેન ચેન્નાઈ સુપર કિંગ્સ તરફથી રમતા જોવા મળી શકે છે. જો આ બેટ્સમેનોને CSKની પ્લેઈંગ-11માં તક મળે છે તો તે એક અનોખો સંયોગ હશે.

આ 4 ખેલાડીઓ મુંબઈ તરફથી રમે છે

વાસ્તવમાં, ડોમેસ્ટિક ક્રિકેટમાં મુંબઈ તરફથી રમતા શિવમ દુબે, અજિંક્ય રહાણે, તુષાર દેશપાંડે અને શાર્દુલ ઠાકુર IPLમાં ચેન્નાઈ સુપર કિંગ્સની ટીમનો ભાગ છે. આ ખેલાડીઓને આજે CSKની પ્લેઈંગ-11માં સ્થાન મળશે તે લગભગ નિશ્ચિત છે. છેલ્લી મેચમાં પણ આ ખેલાડીઓ ચેન્નાઈના પ્લેઈંગ-11નો ભાગ હતા. ચેન્નાઈ સુપર કિંગ્સ આ દિવસોમાં ઈજાઓથી ઝઝૂમી રહી છે. ટીમના ઝડપી બોલર મથિસા પથિરાના અને દીપક ચહર ઈજાગ્રસ્ત છે.

CSKની સંભવિત પ્લેઈંગ-11

ચેન્નાઈ સુપર કિંગ્સ: રૂતુરાજ ગાયકવાડ (કેપ્ટન), રચિન રવિન્દ્ર, અજિંક્ય રહાણે, ડેરીલ મિચેલ, સમીર રિઝવી, રવિન્દ્ર જાડેજા, એમએસ ધોની (વિકેટકીપર), શાર્દુલ ઠાકુર, મુસ્તફિઝુર રહેમાન, તુષાર દેશપાંડે, મહિશ તિક્ષ્ણા.

ઈમ્પેક્ટ પ્લેયરઃ શિવમ દુબે.

CSKનું શાનદાર પ્રદર્શન

IPL 2024માં ચેન્નાઈ સુપર કિંગ્સના પ્રદર્શનની વાત કરીએ તો ટીમે અત્યાર સુધી 5 મેચ જીતી છે. આ સમયગાળા દરમિયાન, રુતુરાજ ગાયકવાડની આગેવાની હેઠળની ટીમે 3 મેચ જીતી છે અને 2 હારી છે. ટીમ પોઈન્ટ ટેબલમાં 6 પોઈન્ટ સાથે ત્રીજા સ્થાને છે. CSKએ તેમની છેલ્લી મેચમાં કોલકાતા નાઈટ રાઈડર્સને 7 વિકેટે હરાવ્યું હતું. આવી સ્થિતિમાં ટીમ જીતનો સિલસિલો જાળવી રાખવાનો પ્રયાસ કરશે.