Asian Games 2023: શ્રીલંકાને હંફાવનારી તિતાસ સાધુ કોણ છે?

• એશિયન ગેમ્સમાં મહિલા ક્રિકેટ ટીમે જીત્યો ગોલ્ડ
  
• ફાઈનલ મેચમાં ભારતીય ટીમે શ્રીલંકાને 19 રને માત આપી
• ભારત માટે તિતાસ સાધુએ કર્યું કમાલનું પ્રદર્શન

ભારતીય મહિલા ક્રિકેટ ટીમે એશિયન ગેમ્સ 2023માં શ્રીલંકાને હરાવી ગોલ્ડ મેડલ જીત્યો છે. આ જીત સાથે સમગ્ર દુનિયામાં ભારતની જય જયકાર થઈ રહી છે. ભારતે આ મેચ 19 રને પોતાના નામે કરી છે. આ મેચ જીતાડવામાં ભારતીય બોલર તિતાસ સાધુએ મહત્વની ભૂમિકા નિભાવી હતી. તેમની બોલની સાથે શ્રીલંકાની ટીમ ધરાશાઈ થઈ હતી અને આ ખિતાબ ભારતને મળ્યો હતો.

શ્રીલંકાએ બનાવ્યા 97 રન

ભારતીય મહિલા બોલર તિતાસ સાધુએ શ્રીલંકા વિરુદ્ધ શાનદાર પ્રદર્શન કર્યું છે. તેમણે આ મેચમાં 4 ઓવર નાખી છે. જેમાં શ્રીલંકાના 3 ખેલાડીને પેવેલિયનનો રસ્તો બતાવ્યો હતો. આ દરમિયામ તેમણે માત્ર 6 રન આપ્યા હતા. ભારતે આ મેચમાં પ્રથમ બેટિંગ કરીને શ્રીલંકાને 117 રનનો ટાર્ગેટ આપ્યો હતો. એવું લાગી રહ્યું હતું કે, મેચ ભારતના હાથમાંથી નીકળી જશે, પરંતુ તિતાસ સાધુએ શ્રીલંકાના 3 દિગ્ગજ ખેલાડીને પેવેલિયનનો રસ્તો બતાવીને મેચને ભારતની તરફેણમાં કરી હતી. 117 રનના ટાર્ગેટનો પીછો કરવા ઉતરેલી શ્રીલંકાની ટીમે 20 ઓવરમાં 97 રન બનાવ્યા હતા.

જાણો કોણ છે તિતાસ સાધુ?

તિતાસ સાધુનો જન્મ પશ્ચિમ બંગાળના ચિંસુરામાં થયો છે. 18 વર્ષિય તિતાસ જમણા હાથની મિડિયમ પેસર છે. તેમણે 24 સપ્ટેમ્બરે તિતાસ સાધુએ ભારતીય ટીમમાં ડેબ્યૂ કર્યું હતું. એશિયન ગેમ્સ 2023ની સેમીફાઈનલમાં ભારતે બાંગ્લાદેશને 8 વિકેટે હરાવ્યું હતું. જે તિતાસની પ્રથમ મેચ હતી. બાંગ્લાદેશ વિરુદ્ધ પણ તિતાસ સાધુએ શાનદાર પ્રદર્શન કરીને 4 ઓવરમાં 10 રન આપીને 1 વિકેટ લીધી હતી. તિતાસ સાધુ પૂર્ણ ક્રિકેટર ઝુલન ગોસ્વામીને પોતાની આદર્શ માને છે.