હાર્દિક પંડ્યા પર BCCIનું મોટું અપડેટ, જાણો કઈ મેચમાં કરશે વાપસી

• હાર્દિક પંડ્યા બાંગ્લાદેશ સામેની મેચમાં ઈજાગ્રસ્ત થયો
  
• હાર્દિક પંડ્યા ઈંગ્લેન્ડ સામેની મેચમાં રમશે નહી
• હાર્દિક પંડ્યા સાઉથ આફ્રિકા સામેની મેચમાં કરશે વાપસી

ભારતીય ટીમનો સ્ટાર ઓલરાઉન્ડર હાર્દિક પંડ્યા 19 ઓક્ટોબરે બાંગ્લાદેશ સામેની મેચમાં ઈજાગ્રસ્ત થયો હતો. સ્થિતિ એવી હતી કે તેને તરત જ મેદાન છોડવું પડ્યું હતું. આ પછી તે ન્યુઝીલેન્ડ સામેની મેચમાં પણ રમ્યો ન હતો. હવે આગામી વર્લ્ડકપ મેચમાં હાર્દિક પંડયાની વાપસીને લઈને BCCIના એક અધિકારીએ નવીનતમ અપડેટ આપી છે.

હાર્દિક પંડ્યા અંગે અપડેટ આપતાં BCCIના અધિકારીના જણાવ્યા અનુસાર, પંડ્યાને હાલ આરામ કરવાની સલાહ આપવામાં આવી છે. આવી સ્થિતિમાં અનુભવી ઓલરાઉન્ડર ઈંગ્લેન્ડ સામે પણ વાપસી કરી શકશે નહીં. બીસીસીઆઈએ કહ્યું કે હાર્દિક પંડ્યા આગામી બે મેચમાં વાપસી કરી શકશે નહીં.

ભારતીય ટીમ બિનજરૂરી જોખમ લેવાનું ટાળશે

ભારતે આ ટૂર્નામેન્ટમાં અત્યાર સુધી તેની તમામ પાંચ મેચ જીતી છે. આ સમયગાળા દરમિયાન તેણે ઓસ્ટ્રેલિયા, પાકિસ્તાન અને ન્યુઝીલેન્ડ જેવી મોટી ટીમોને પણ એકતરફી હરાવી છે. તે પોઈન્ટ ટેબલમાં ટોપ પર છે અને સેમીફાઈનલમાં તેનું સ્થાન લગભગ નિશ્ચિત માનવામાં આવે છે. ભારતીય ટીમ હવે આગામી મેચમાં ઈંગ્લેન્ડ સામે ટકરાશે. ઈંગ્લેન્ડ આ ટૂર્નામેન્ટમાં અત્યાર સુધી તેની ચારમાંથી ત્રણ મેચ હારી ચૂક્યું છે. ભારતીય ટીમ સ્થિતિ ઈંગ્લેન્ડ સામે ઘણી મજબૂત દેખાઈ રહી છે. આ જ કારણ છે કે ભારતીય ટીમ આ મેચમાં કોઈ બિનજરૂરી જોખમ લેવા માંગશે નહીં.

પંડ્યા કઈ મેચમાં વાપસી કરશે?

BCCIના અધિકારીએ કહ્યું કે, હાર્દિક પંડ્યા સાઉથ આફ્રિકા સામેની મેચમાં વાપસી કરી શકશે. ભારત અને સાઉથ આફ્રિકા વચ્ચે 5 નવેમ્બરે મેચ રમાશે. આવી સ્થિતિમાં, અનુભવી ઓલરાઉન્ડર 5 નવેમ્બરે મેદાન પર રમતા જોવા મળશે. ભારતે હાર્દિક પંડ્યા વિના વધુ બે મેચ રમવી પડશે. હાર્દિક પંડ્યાનું ટીમમાં ન હોવું ભારતીય ટીમ માટે નુકસાનકારક સાબિત થઈ શકે છે.