Big Breacking: વર્લ્ડકપમાં શાનદાર પ્રદર્શન બદલ મોહમ્મદ શમીને મળશે અર્જુન એવોર્ડ

• મોહમ્મદ શમીએ વર્લ્ડકપમાં 24 વિકેટ લીધી
  
• BCCIએ રમત મંત્રાલયને કરી ભલામણ
• શ્રીલંકા સામે વાનખેડે ખાતે શમીનું 5/18એ બેસ્ટ પ્રદર્શન

ભારતનો અનુભવી ઝડપી બોલર મોહમ્મદ શમી ICC ODI વર્લ્ડ કપ 2023માં પોતાના શાનદાર પ્રદર્શન બાદ સતત ચર્ચામાં છે. દરમિયાન સૂત્રોના જણાવ્યા અનુસાર શમી અર્જુન એવોર્ડ મેળવવાની રેસમાં હોવાના સમાચાર મળ્યા છે. વર્લ્ડ કપ 2023માં તેના પ્રદર્શનને પગલે પસંદગી સમિતિએ આ વર્ષના પ્રતિષ્ઠિત અર્જુન એવોર્ડ માટે શમીના નામની ભલામણ કરી છે.

BCCIએ રમત મંત્રાલયને ખાસ વિનંતી કરી

સૂત્રોના જણાવ્યા અનુસાર ભારતીય ક્રિકેટ કંટ્રોલ બોર્ડ (BCCI) એ રમત મંત્રાલયને વિશેષ વિનંતી કરી છે. અગાઉ શમીનું નામ આ યાદીમાં નહોતું. અર્જુન પુરસ્કાર એ રમતનું બીજું સર્વોચ્ચ સન્માન છે. 33 વર્ષીય આ ખેલાડી આખું વર્ષ ભારત માટે સનસનાટીભર્યું રહ્યું છે. શમીએ નવેમ્બરમાં વર્લ્ડ કપમાં પોતાનું સુવર્ણ પ્રદર્શન ચાલુ રાખ્યું હતું.

વર્લ્ડકપમાં લીધી 24 વિકેટ

મોહમ્મદ શમીએ વર્લ્ડ કપમાં 12.06ની એવરેજ અને 5.68ની ઈકોનોમી રેટથી 15 વિકેટ લીધી હતી. એકંદરે, તેનું નામ 2023 ક્રિકેટ વર્લ્ડ કપના અગ્રણી વિકેટ લેનાર તરીકે નોંધાયુ હતું. તેણે માત્ર સાત ઇનિંગ્સમાં 24 વિકેટ ઝડપી હતી.

વાનખેડેમાં ઘાતક બોલિંગ

શ્રીલંકા સામે વાનખેડે ખાતે શમીનું 5/18એ શાનદાર પ્રદર્શન હતું. 358ના લક્ષ્યનો પીછો કરતા પહેલાથી જ દબાણ હેઠળ રહેલા શ્રીલંકાને પ્રથમ પાવરપ્લેના અંતે શમીનું આગમન તેના માટે અંતનો સંકેત હતો. વર્લ્ડકપની પ્રથમ ચાર મેચો ગુમાવ્યા બાદ, શમી એક સ્ટાર બોલર તરીકે ઉભરી આવ્યો, તેણે માત્ર 5.26 અને 10.70ની સરેરાશથી 24 વિકેટ લીધી.

ઇતિંહાસમાં માત્ર ચાર ખેલાડીઓ શમી કરતા આગળ

પુરૂષોની રમતના ઈતિહાસમાં માત્ર ચાર ખેલાડીઓ - લસિથ મલિંગા, મિચેલ સ્ટાર્ક, મુથૈયા મુરલીધરન, અને ગ્લેન મેકગ્રાએ ક્રિકેટ વર્લ્ડ કપમાં શમી કરતાં વધુ વિકેટ લીધી છે. શમીએ યાદીમાં તેના ઉપરના કોઈપણ ખેલાડી કરતાં દસ ઓછી મેચોમાં વાપસી કરી હતી.

શમી દક્ષિણ આફ્રિકા સામેની આગામી બે મેચની ટેસ્ટ શ્રેણીમાં ભારત માટે મેદાનમાં પરત ફરે તેવી શક્યતા છે. પ્રથમ ટેસ્ટ 26 ડિસેમ્બરે સેન્ચુરિયન ખાતે રમાશે. બીજી મેચ 3 જાન્યુઆરીએ કેપટાઉનમાં રમાશે.