T20: રિંકુ સિંહે કરી રોહિત શર્માની બરાબરી, સૂર્યકુમારની બાદશાહત કાયમ

• ટી20 સીરીઝની બીજી મેચમાં ભારત માટે રિંકુ સિંહનું બેટ જોરદાર ગરજ્યું
  
• રિંકુએ T20 ઈન્ટરનેશનલમાં પોતાની પ્રથમ અડધી સદી ફટકારી
• રિંકુ સિંહે T20 રેન્કિંગમાં જોરદાર છલાંગ લગાવી

ભારત અને દક્ષિણ આફ્રિકા વચ્ચે રમાઈ રહેલી ત્રણ મેચની T20 શ્રેણીની બીજી મેચમાં દક્ષિણ આફ્રિકાએ DLS મેથડ હેઠળ ભારતને પાંચ વિકેટથી હરાવ્યું. આ મેચમાં ભારત માટે રિંકુ સિંહનું બેટ જોરદાર ગરજ્યું હતું, રિંકુએ T20 ઈન્ટરનેશનલમાં પોતાની પ્રથમ અડધી સદી ફટકારી હતી.

ICCએ જારી કરી રેન્કિંગ

આ તોફાની ઈનિંગ્સ બાદ રિંકુ સિંહને મોટો ફાયદો થયો છે. તાજેતરમાં ICCએ નવી રેન્કિંગ જાહેર કરી છે, જેમાં સૂર્યકુમાર યાદવ ટોપ પર છે. તે જ સમયે, પાકિસ્તાનનો મોહમ્મદ રિઝવાન તેનાથી ઘણો પાછળ છે. રિંકુ સિંહે T20 રેન્કિંગમાં શાનદાર છલાંગ લગાવી છે.

વાસ્તવમાં, ભારતીય T20 ટીમના કેપ્ટન સૂર્યકુમાર યાદવે દસ રેટિંગ મેળવ્યા છે. ICC T20 રેન્કિંગમાં તેના હવે 865 રેટિંગ પોઈન્ટ છે. બીજી T20 મેચમાં સૂર્યકુમાર યાદવે 36 બોલનો સામનો કરીને 56 રનની ઇનિંગ રમી હતી, જેના કારણે તેને ફાયદો મળ્યો હતો.

બીજા સ્થાને પાકિસ્તાનનો મોહમ્મદ રિઝવાન છે, જેનું રેટિંગ હાલમાં 787 છે. ત્રીજા સ્થાને સાઉથ આફ્રિકાનો એડન માર્કરામ છે, જેના 756 રેટિંગ છે. એડન પાસે મોહમ્મદ રિઝવાનને હરાવવાની તક છે. તે જ સમયે, પાકિસ્તાનના પૂર્વ કેપ્ટન બાબર આઝમનું રેટિંગ 734 છે અને તે ચોથા સ્થાને છે. રિલે રુસો 695 રેટિંગ સાથે પાંચમા સ્થાને છે.

રિંકુ સિંહે કરી રોહિત શર્માની બરાબરી

તમને જણાવી દઈએ કે રિંકુ સિંહે T20 રેન્કિંગમાં જોરદાર છલાંગ લગાવી છે. તે 467 રેટિંગ સાથે 59માં સ્થાને છે. આ સાથે રોહિત શર્મા અને શુભમન ગિલના પણ સમાન રેટિંગ પોઇન્ટ છે. રિંકુ સિંહે સાઉથ આફ્રિકા સામે ઝડપી ઇનિંગ રમી હતી. ટી20 ઈન્ટરનેશનલની તેની પ્રથમ અડધી સદી આ મેચમાં આવી હતી, જેના પછી તેને ટી20 રેન્કિંગમાં પણ મોટો ફાયદો થયો હતો.

રવિ બિશ્નોઈએ 7 પોઈન્ટ ગુમાવ્યા

બોલિંગની વાત કરીએ તો ભારતીય સ્પિનર રવિ બિશ્નોઈ ટોપ પર છે. બિશ્નોઈને સાત પોઈન્ટનું નુકસાન થયું છે. તેનુ રેટિંગ 692 થયુ છે. આ સાથે જ અફઘાનિસ્તાનના સ્પિનર રાશિદ ખાનના પણ એટલા જ પોઈન્ટ છે. તમને જણાવી દઈએ કે બિશ્નોઈને સાઉથ આફ્રિકા સામેની બીજી T20માં પ્લેઈંગ-11માં જગ્યા મળી ન હતી.