યુપીના બુલંદશહેરમાં રાજ્ય સ્તરના કબડ્ડી ખેલાડીનું શ્વાન કરડવાથી મોત થયું. મૃતકનું નામ બ્રજેશ સોલંકી છે. મૃત્યુ પહેલા બ્રજેશનો એક વીડિયો સામે આવ્યો છે, જેમાં તે પીડાથી કણસતો જોવા મળે છે. વીડિયો જોયા પછી બધા હેરાન થઈ ગયા. આ ઘટના ખુર્જા નગર કોતવાલી વિસ્તારની છે.
એવું કહેવામાં આવી રહ્યું છે કે ફરાના ગામના રહેવાસી કબડ્ડી ખેલાડી બ્રજેશ સોલંકીને એક મહિના પહેલા એક શ્વાન કરડ્યું હતું. શ્વાનના કરડ્યા પછી, બ્રજેશને બેદરકારીને કારણે હડકવા વિરોધી ઈન્જેક્શન મળ્યું ન હતું, જેના કારણે તેની હાલત બગડવા લાગી અને તેનામાં હડકવાના લક્ષણો દેખાવા લાગ્યા.
કબડ્ડી ખેલાડીનું થયું મૃત્યુ
જ્યારે તેની તબિયત વધુ ખરાબ થઈ ગઈ, ત્યારે પરિવાર તેને એક પછી એક ઘણી હોસ્પિટલોમાં લઈ ગયો પરંતુ ડોક્ટરોએ ના પાડી. તેમને કહ્યું કે સારવાર માટે ઘણું મોડું થઈ ગયું છે. પરિવાર લાચાર થઈને પાછો ફર્યો. ગયા રવિવારે કબડ્ડી ખેલાડીનું વેદનામાં મૃત્યુ થયું. હવે તેનો વીડિયો સોશિયલ મીડિયા પર વાયરલ થઈ રહ્યો છે.
વીડિયોમાં જોવા મળી રહ્યું છે કે બ્રજેશ સોલંકી પલંગ પર સૂતો છે અને પીડાથી કણસતો છે. તે બોલી શકતો નથી. લોકો નજીકમાં ઉભા છે. બ્રજેશમાં હડકવાના લક્ષણો સ્પષ્ટપણે જોવા મળી રહ્યા છે. થોડા સમય પછી તેનું મૃત્યુ થયું.
આ ઘટનાથી આઘાતમાં છે ગામના લોકો
સ્થાનિકોના જણાવ્યા મુજબ ગયા મહિને એક શ્વાન ગટરમાં પડી ગયું હતું. બ્રજેશે તેને બહાર કાઢવાની પહેલ કરી હતી. પરંતુ જ્યારે તે શ્વાનનો જીવ બચાવી રહ્યો હતો, ત્યારે શ્વાન તેના જમણા હાથની આંગળી કરડી ગયું. બ્રજેશે તેને નાની બાબત સમજીને એન્ટી રેબીસ ઈન્જેક્શન ન લીધું, જે પાછળથી તેની મૃત્યુનું કારણ બન્યું. આ ઘટનાથી ગામના લોકો આઘાતમાં છે.
