Shubman Gillનો છેલ્લી ઓવરમાં કોની સાથે થયો ઝઘડો? ગુસ્સામાં જોવા મળ્યો ભારતીય કેપ્ટન, જુઓ VIDEO

ભારત અને ઈંગ્લેન્ડ વચ્ચેની ત્રીજી ટેસ્ટ ઐતિહાસિક લોર્ડ્સ મેદાન પર રમાઈ રહી છે, જ્યાં ઈંગ્લેન્ડના કેપ્ટન બેન સ્ટોક્સે ટોસ જીતીને પહેલા બેટિંગ કરવાનો નિર્ણય લીધો. આ પછી જો રૂટની સદીના કારણે ઈંગ્લેન્ડે પહેલી ઇનિંગમાં 387 રન બનાવ્યા.

ત્યારબાદ ટીમ ઈન્ડિયાએ પણ કેએલ રાહુલની સદીના આધારે 387 રન બનાવ્યા. પહેલી ઈનિંગ બાદ બંને ટીમો બરાબર સ્કોર પર પહોંચી. ત્રીજા દિવસના અંતે જ્યારે ઈંગ્લેન્ડની ટીમ બીજી ઈનિંગમાં બેટિંગ કરવા માટે ઉતરી, ત્યારે ઈંગ્લેન્ડના ખેલાડીઓએ જાણી જોઈને સમય બગાડવાનો પ્રયાસ કર્યો. જેથી સમય પસાર થઈ જાય અને તેમને બીજી ઓવર રમવાની જરૂર ન પડે.

જસપ્રીત બુમરાહે ત્રીજા દિવસની છેલ્લી ઓવર ફેંકી

ઈંગ્લેન્ડ તરફથી જેક ક્રોલી અને બેન ડકેટ ઓપનિંગ કરવા આવ્યા. ભારત તરફથી બોલિંગ આક્રમણની જવાબદારી જસપ્રીત બુમરાહે લીધી. જ્યારે બુમરાહ ફુલ ઓવર નાખવા માટે તૈયાર હતો, ત્યારે ક્રોલીએ સ્ટ્રાઈક લીધી નહીં અને તે બેટિંગ કરવાની સ્થિતિમાં જોવા મળ્યો ન હતો. આનાથી સમયનો બગાડ્યો.

જેક ક્રોલી મેદાનની બહાર ગયો

પછી કોઈક રીતે બીજી ઈનિંગ શરૂ થઈ અને જેક ક્રોલીએ જસપ્રીત બુમરાહના ઓવરના બે બોલ રમ્યા. પહેલા બોલ પર કોઈ રન ન બન્યો. બીજા બોલ પર તેને બે રન લીધા. આ પછી જેક ક્રોલીએ બધી મર્યાદાઓ વટાવી દીધી. તે મેદાનની બહાર દોડી ગયો. જસપ્રીત બુમરાહ આનાથી બિલકુલ ખુશ નથી અને સ્લિપમાં ફિલ્ડિંગ કરી રહેલા ભારતીય કેપ્ટન શુભમન ગિલ ત્યાંથી કંઈક બૂમ પાડે છે. ભારતીય ખેલાડીઓ ભેગા થાય છે.

ભારતીય કેપ્ટન ગિલનો ઈંગ્લિશ ખેલાડીઓ સાથે ઝઘડો

ત્યારબાદ કોઈક રીતે જસપ્રીત બુમરાહ ઈંગ્લેન્ડના જેક ક્રોલીને ત્રીજો અને ચોથો બોલ ફેંકે છે. ચોથા બોલ પછી જેક ક્રોલી ફરીથી આગળ ચાલવાનું શરૂ કરે છે. ભારતીય ખેલાડીઓ અહીં તેને ઈગ્નોર છે. આ પછી જસપ્રીત બુમરાહનો પાંચમો બોલ ક્રોલીના ગ્લોવ્ઝ પર વાગે છે, જેના કારણે તે થોડી મુશ્કેલીમાં જોવા મળે છે. ફિઝિયો તેને તપાસવા માટે મેદાન પર આવે છે.

આ દરમિયાન ભારતીય ખેલાડીઓ તાળીઓ પાડવાનું શરૂ કરે છે, જેનાથી વાતાવરણ ગરમ થઈ જાય છે. શુભમન ગિલ ઈંગ્લિશ બેટ્સમેન જેક ક્રોલી પાસે આવે છે અને જોરથી બૂમો પાડતા કંઈક કહે છે. પછી જેક ક્રોલી પણ તેને કંઈક કહેતો જોવા મળે છે. આ પછી બેન ડકેટ પણ કંઈક વચ્ચે બોલતો જોવા મળે છે અને કેપ્ટન ગિલ સાથે વાત કરે છે. ભારતીય ખેલાડીઓ તેમના કેપ્ટનને સપોર્ટ કરતાં જોવા મળે છે. વાતાવરણ ખૂબ જ ગંભીર બની જાય છે. આ હાઈ-વોલ્ટેજ ડ્રામા પછી બુમરાહ પણ છેલ્લો બોલ ફેંકે છે અને ઓવર સમાપ્ત થાય છે.

ઈંગ્લેન્ડે ત્રીજા દિવસે પોતાની બીજો ઈનિંગ શરૂ કરી અને ફક્ત એક ઓવર રમી જેમાં તેમને બે રન મળ્યા. તે પણ જેક ક્રોલીના બેટથી આવ્યા. હવે એ જોવાનું રસપ્રદ રહેશે કે ત્રીજા દિવસે ઈંગ્લેન્ડના બેટ્સમેન કેટલો મોટો સ્કોર બનાવે છે.