IND Vs ENG: ચોથી ટેસ્ટ મેચ પહેલા આ ભારતીય દિગ્ગજને મળશે સન્માન

ભારત અને ઈંગ્લેન્ડ વચ્ચે પાંચ ટેસ્ટ મેચની સિરીઝ રમાઈ રહી છે. આમાં ભારતીય ટીમ 1.-2 થી પાછળ છે. હવે બંને ટીમો વચ્ચે ચોથી ટેસ્ટ મેચ 23 જુલાઈથી માન્ચેસ્ટરના મેદાન પર રમાશે. આ મેચના પહેલા દિવસે ભૂતપૂર્વ ભારતીય ક્રિકેટર ફારુખ એન્જિનિયર અને વેસ્ટ ઈન્ડિઝના દિગ્ગજ ક્લાઈવ લોયડને ખાસ સન્માન આપવામાં આવશે.

માન્ચેસ્ટરના ઓલ્ડ ટ્રેફોર્ડ ગ્રાઉન્ડના સ્ટેન્ડનું નામ આ બંને ખેલાડીઓના નામ પર રાખવામાં આવશે. એન્જિનિયર લગભગ એક દાયકા સુધી લેન્કેશાયર માટે રમ્યા હતા જ્યારે લોયડ લગભગ બે દાયકા સુધી ક્લબ સાથે રહ્યા હતા.

લેન્કેશાયર ક્લબ માટે 175 મેચ રમી

સૂત્રએ જણાવ્યું હતું કે આ ક્લબના બંને દિગ્ગજોને યોગ્ય સન્માન છે. 1968 થી 1976 ની વચ્ચે 87 વર્ષના ફારુખ એન્જિનિયરે 175 મેચોમાં લેન્કેશાયર માટે 5942 રન બનાવ્યા, 429 કેચ લીધા અને 35 સ્ટમ્પિંગ કર્યા. જ્યારે મુંબઈમાં જન્મેલા ફારુખ એન્જિનિયરે લેન્કેશાયર માટે ડેબ્યૂ કર્યું ત્યારે ક્લબે 15 વર્ષથી વધુ સમય સુધી કોઈ મોટો ખિતાબ જીત્યો ન હતો, પરંતુ તેમને 1970 થી 1975 ની વચ્ચે ટીમને ચાર વખત જીલેટ કપ જીતવામાં મદદ કરી. બીજી તરફ વેસ્ટ ઈન્ડિઝ ટીમના કેપ્ટન લોયડે 1970 ના દાયકાની શરૂઆતમાં વિદેશી ખેલાડી તરીકે આવ્યા બાદ ક્લબનું નસીબ બદલી નાખ્યું.

ઓલ્ડ ટ્રેફોર્ડને કહ્યું શાનદાર સ્થળ

ફારુખ એન્જિનિયરે થોડા વર્ષો પહેલા ક્લબની વેબસાઈટને જણાવ્યું હતું કે તે એક અદ્ભુત સમય હતો અને ઓલ્ડ ટ્રેફોર્ડ એક શાનદાર સ્થળ હતું. લોકો અમને રમતા જોવા માટે માઈલોથી આવતા હતા. ઓલ્ડ ટ્રેફોર્ડના ડ્રેસિંગ રૂમમાંથી અમે વોરવિક રોડ રેલ્વે સ્ટેશન જોઈ શકતા હતા. અમે લોકોને નારા લગાવતા, વાતો કરતા અને હસતા સાંભળી શકતા હતા.

માનચેસ્ટરમાં રહે છે ફારુખ એન્જીનિયર

ફારુખ એન્જીનિયરે કહ્યું કે ઈંગ્લેન્ડમાં દરેક વ્યક્તિ ક્લાઈવ લોયડ, હેરી પિલિંગ, પીટર લીવર અને કેન શટલવર્થ જેવા નામો ધરાવતી તે મહાન ટીમ વિશે વાત કરી રહી હતી. નિવૃત્તિ લીધા પછી ફારુખ એન્જીનિયરે માન્ચેસ્ટરને પોતાનું ઘર બનાવ્યું અને આજે પણ અહીં રહે છે.