RCB સામેની મેચ પહેલા MIને મળ્યા સારા સમાચાર, ટીમ સાથે જોડાશે સ્ટાર ખેલાડી

ઈન્ડિયન પ્રીમિયર લીગની 19મી સીઝનની 54મી લીગ મેચ 10 મેના રોજ રાયપુરના શહીદ વીર નારાયણ સિંહ ઈન્ટરનેશનલ સ્ટેડિયમ ખાતે રોયલ ચેલેન્જર્સ બેંગલુરુ અને મુંબઈ ઈન્ડિયન્સ વચ્ચે રમાશે.

IPLમાં મુંબઈ અને RCB વચ્ચેની મેચ હંમેશા મોટી સ્પર્ધા તરીકે જોવામાં આવે છે, જેમાં બંને ટીમો સ્ટાર ખેલાડીઓથી ભરેલી હોય છે. આ પરિસ્થિતિમાં મુંબઈ ઈન્ડિયન્સ, જેની સીઝન અપેક્ષા મુજબ બિલકુલ રહી નથી, તેમને RCB સામેની મેચ પહેલા કેટલાક સારા સમાચાર મળ્યા છે, જેમાં ટીમનો સ્ટાર ખેલાડી સૂર્યકુમાર યાદવ આ મેચમાં રમતો જોવા મળશે.

પુત્રીના જન્મ પછી સૂર્યકુમાર યાદવ ઘરે પરત ફર્યો

ભારતીય T20 કેપ્ટન અને IPL મુંબઈ ઈન્ડિયન્સના ખેલાડી સૂર્યકુમાર યાદવની પત્નીએ એક બાળકીને જન્મ આપ્યો હતો, ત્યારબાદ તે 4 મેના રોજ લખનૌ સુપર જાયન્ટ્સ સામેની મેચ બાદ ઘરે પરત ફર્યો હતો. આ પછી RCB સામેની મેચમાં તેના રમવા અંગે શંકાઓ હતી. ત્યારે હવે માહિતી મળી રહી છે કે સૂર્યકુમાર યાદવે RCB સામેની મેચ માટે હાજર રહેવાની જાહેરાત કરી છે અને તે ટૂંક સમયમાં રાયપુરમાં ટીમ સાથે જોડાશે. લખનૌ સામેની મેચ પહેલા હાર્દિક પંડ્યા અનફિટ હોવાને કારણે સૂર્યકુમાર યાદવે તે મેચમાં કેપ્ટનશીપ સંભાળી હતી.

હાર્દિકને લઈને હજુ પણ સસ્પેન્સ યથાવત

મુંબઈ ઈન્ડિયન્સના કેપ્ટન હાર્દિક પંડ્યાની આરસીબી સામેની મેચમાં ભાગીદારી હજુ પણ અનિશ્ચિત છે. હાર્દિક હાલમાં કમરના દુખાવાથી પીડાઈ રહ્યો છે અને તેની ભાગીદારી મુંબઈ ઈન્ડિયન્સના સ્પોર્ટ્સ મેડિસિનના વડા બેન લેંગલી અને ફિઝિયો નીતિન પટેલના પરિણામો પર આધાર રાખે છે.

હાર્દિકે 8 મેના રોજ ફિટનેસ ટેસ્ટ કરાવ્યો હતો અને 9 મેના રોજ તેનો ફરીથી ટેસ્ટ કરવામાં આવશે, અને એવી અપેક્ષા છે કે તે સાંજે ફરીથી ટીમના પ્રેક્ટિસ સેશનમાં ભાગ લેશે. મુંબઈ ઈન્ડિયન્સે આ સિઝનમાં અત્યાર સુધી 10 મેચ રમી છે, જેમાં ફક્ત 3 જ જીતી છે અને 7 હારી છે. તેથી પ્લેઓફમાં સ્થાન મેળવવા માટે તેમને બાકીની બધી મેચ જીતવી પડશે.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?