- દિલ્હી કેપિટલ્સે મુંબઈ ઈન્ડિયન્સને આપી કારમી હાર
- દિલ્હી 5 મેચ જીતીને પોઈન્ટ ટેબલમાં પાંચમા સ્થાને પહોંચી
- પોઈન્ટ ટેબલમાં ચેન્નાઈ સુપર કિંગ્સને પણ પાછળ છોડી દીધું
દિલ્હી કેપિટલ્સે મુંબઈ ઈન્ડિયન્સને કારમી હાર આપી છે. દિલ્હીના અરુણ જેટલી ક્રિકેટ સ્ટેડિયમમાં રમાયેલી IPL 2024ની 43મી મેચમાં રિષભ પંતની આગેવાની હેઠળની દિલ્હી કેપિટલ્સે મુંબઈને 10 રનથી હરાવ્યું હતું. દિલ્હીએ મુંબઈને જીતવા માટે 158 રનનો ટાર્ગેટ આપ્યો હતો, જે મુંબઈ હાંસલ કરી શક્યું ન હતું. આ જીત સાથે દિલ્હીએ માત્ર મુંબઈ ઈન્ડિયન્સને જ નહીં પરંતુ ચેન્નાઈ સુપર કિંગ્સને પણ મોટો ઝટકો આપ્યો છે. દિલ્હીએ પોઈન્ટ ટેબલમાં જબરદસ્ત છલાંગ લગાવી છે. એક સમયે પોઈન્ટ ટેબલમાં ટોચ પર રહેલી CSK ટીમ હવે દિલ્હીથી પણ નીચે આવી ગઈ છે.
દિલ્હી કેપિટલ્સની સ્થિતિ હવે કેવી છે?
આ મેચ પહેલા દિલ્હી કેપિટલ્સ 9માંથી 4 મેચ જીતીને પોઈન્ટ ટેબલમાં છઠ્ઠા સ્થાને હતી. પરંતુ હવે દિલ્હીએ CSKને પાછળ છોડી દીધું છે. દિલ્હી હવે 10માંથી 5 મેચ જીતીને પોઈન્ટ ટેબલમાં પાંચમા સ્થાને પહોંચી ગયું છે. આવી સ્થિતિમાં દિલ્હીએ એક જીત સાથે 2 શિકાર કર્યા છે. દિલ્હીએ માત્ર મુંબઈ ઈન્ડિયન્સને જ આંચકો આપ્યો નથી, પરંતુ પોઈન્ટ ટેબલમાં ચેન્નાઈ સુપર કિંગ્સને પણ પાછળ છોડી દીધું છે. ચેન્નાઈની ટીમે અત્યાર સુધી 8 મેચ રમી છે જેમાંથી તેણે 4 મેચ જીતી છે અને તે પાંચમા સ્થાને છે. બીજી તરફ, આ મેચ પહેલા મુંબઈની ટીમ 8 મેચમાંથી 3 જીત સાથે 9માં સ્થાને હતી, હવે મુંબઈ 9 મેચમાંથી 3 જીત સાથે 9માં સ્થાને છે.
શું મુંબઈ પ્લેઓફમાંથી બહાર છે?
મુંબઈ ઈન્ડિયન્સ 9 માંથી 6 મેચ હારી ગઈ હોય, પરંતુ તે હજુ પણ પ્લેઓફમાંથી બહાર નથી થઈ. પ્લેઓફ રમવા માટે કોઈપણ ટીમને 8 મેચ જીતવી જરૂરી છે. જો કે, જો પોઈન્ટ ટેબલમાં વધુ ઉથલપાથલ થાય તો કોઈ ટીમ 7 મેચ જીતીને પણ ક્વોલિફાઈ કરી શકે છે. મુંબઈને હજુ 5 મેચ રમવાની છે, જો મુંબઈ તમામ મેચ જીતી જશે તો તે સરળતાથી ક્વોલિફાય થઈ જશે. આ સાથે જ જો મુંબઈ વધુ એક મેચ હારી જશે તો પણ તે પ્લેઓફમાંથી બહાર નહીં થાય.
