રોહિત શર્મા વર્લ્ડકપ નહીં જીતે ત્યાં સુધી... ફેન્સે ખાધી અજીબોગરીબ કસમ

• T20 વર્લ્ડકપ 2024ની શરુઆત 2 જુનથી થશે
  
• દિલ્હી અને મુંબઈની મેચ વચ્ચે એક પોસ્ટર થયું વાયરલ
• ક્રિકેટ ફેન્સે અજીબોગરીબ કસમ ખાઈને દર્શકોને ચોંકાવ્યા

હાલમાં ભારતમાં IPLનો ઉત્સાહ ચરમસીમાએ છે. IPL બાદ T20 વર્લ્ડકપ રમાવાનો છે. ફેન્સ ઈચ્છે કે આ વખત રોહિતની આગેવાની હેઠળ ટીમ ઈન્ડિયા વર્લ્ડકપની ટ્રોફી ઉઠાવે. ગત ODI વર્લ્ડકપમાં ભારતને ફાઈનલમાં ઓસ્ટ્રેલિયા સામે હારનો સામનો કરવો પડ્યો હતો. આવી સ્થિતિંમાં રોહિત બ્રિગેડ પર આ વખતે જવાબદારી પહેલા કરતા મોટી હશે. ક્રિકેટના ફેન્સ ટીમ ઈન્ડિયાને વર્લ્ડકપ વિજેતા બનતા જોવા માંગે છે. આ માટે તેઓ કોઈ પણ હદ સુધી જવા તૈયાર છે. આ દરમિયાન એક પ્રશંસકે અજીબોગરીબ કસમ ખાઈને દર્શકોને ચોંકાવી દીધા છે.

'હું ડેટ નહિ કરું'

દિલ્હી કેપિટલ્સ અને મુંબઈ ઈન્ડિયન્સ વચ્ચે રમાયેલી મેચ દરમિયાન એક પ્રશંસકનો ફોટો વાયરલ થઈ રહ્યો છે. આ ફોટોમાં ફેન્સ હાથમાં પોસ્ટર પકડે છે. જેમાં તેણે લખ્યું છે - "જ્યાં સુધી રોહિત શર્મા વર્લ્ડકપ નહીં જીતે ત્યાં સુધી હું ડેટ નહીં કરું." આ ફેન્સનો ફોટો વાયરલ થતાની સાથે જ તેના પર કોમેન્ટ્સનું પૂર આવી ગયું હતું. તેના પર ઘણી ફની કમેન્ટ્સ પણ આવી છે. એક યુઝર્સે લખ્યું- ભાઈ, તમે સિંગલ જ મરશો. હું પણ ઇચ્છું છું કે ભારત વર્લ્ડકપ જીતે, પરંતુ તે મુશ્કેલ લાગે છે. T20 વર્લ્ડકપ જૂનમાં શરૂ થશે. આ માટે ટીમ ઈન્ડિયાની ટીમની જાહેરાત ગમે ત્યારે થઈ શકે છે.

ઘણી વખત આવા પોસ્ટર વાયરલ થયા

ક્રિકેટ ચાહકોના અજીબોગરીબ પોસ્ટર ઘણી વખત વાયરલ થયા છે. થોડા વર્ષો પહેલા એક છોકરીનું પોસ્ટર વાયરલ થયું હતું. જેમાં તેણે લખ્યું હતું કે જ્યાં સુધી RCB IPL નહીં જીતે ત્યાં સુધી તે લગ્ન નહીં કરે.