ICC T20 Rankings: ફાઇનલમાં જોરદાર પ્રદર્શન બાદ હાર્દિક પંડ્યાનો હનુમાન કૂદકો

• ICCએ ઓલરાઉન્ડરોની નવી T20 રેન્કિંગ જાહેર કરી
  
• ભારતીય ઓલરાઉન્ડર હાર્દિક પંડ્યા પ્રથમ સ્થાને છે
• હાર્દિક પંડ્યા અને વાનિન્દુ હસરાંગાનું રેટિંગ સમાન

T20 વર્લ્ડકપ 2024 પછી, ICCએ ઓલરાઉન્ડરોની નવી T20 રેન્કિંગ જાહેર કરી છે. આ રેન્કિંગમાં સૌથી વધુ ફાયદો હાર્દિક પંડ્યાને થયો છે. ઓલરાઉન્ડરોની T20 રેન્કિંગમાં તે ટોપ પર પહોંચી ગયો છે. ટીમ ઈન્ડિયાના સ્ટાર ખેલાડી હાર્દિક પંડ્યા અને શ્રીલંકાના વાનિન્દુ હસરાંગાની રેટિંગ સમાન છે. પરંતુ આ પછી પણ તે ટોપ પર છે.

હાર્દિક પંડ્યાએ શાનદાર પ્રદર્શન કર્યું હતું

ICC દ્વારા જાહેર કરવામાં આવેલી T20માં ઓલરાઉન્ડરોની રેન્કિંગમાં હાર્દિક પંડ્યા પ્રથમ સ્થાને પહોંચી ગયો છે. તેણે બે સ્થાનની છલાંગ લગાવી છે. હાર્દિક પંડ્યાએ T20 વર્લ્ડકપની સેમિફાઈનલ અને ફાઈનલમાં શાનદાર પ્રદર્શન કર્યું હતું. ટીમ ઈન્ડિયાને ચેમ્પિયન બનાવવામાં તેણે મહત્વનું યોગદાન આપ્યું હતું. ફાઈનલ મેચમાં તેણે 20 રનમાં ત્રણ વિકેટ ઝડપી હતી. જો હસરંગાની વાત કરીએ તો તે પણ 222 રેટિંગ સાથે હાર્દિકની સાથે પ્રથમ સ્થાને છે.

માર્કસ સ્ટોઈનિસ ત્રીજા સ્થાને

આ યાદીમાં ઓસ્ટ્રેલિયન સ્ટાર માર્કસ સ્ટોઈનિસ ત્રીજા સ્થાને છે. તેને પણ એક સ્થાનનો ફાયદો થયો છે. તેને 211 રેટિંગ છે. ઝિમ્બાબ્વેનો એલેક્ઝાન્ડર રઝા 210 રેટિંગ સાથે ચોથા નંબર પર પહોંચી ગયો છે. જ્યારે બાંગ્લાદેશનો સ્ટાર શાકિબ અલ હસન 206 રેટિંગ સાથે 5માં નંબર પર આવી ગયો છે. અફઘાનિસ્તાનના મોહમ્મદ નબીને ચાર સ્થાનનું નુકસાન થયું છે. તે છઠ્ઠા સ્થાને આવી ગયો છે. જ્યારે પોલેન્ડનો દીપેન્દ્ર સિંહ 199 રેટિંગ સાથે સાતમા સ્થાને છે.