- ભારત અને સાઉથ આફ્રિકા વચ્ચે 2 મેચની ટેસ્ટ સિરીઝ રમાઈ
- બીજી ટેસ્ટ કેપટાઉનનાં ન્યૂલેન્ડ્સ સ્ટેડિયમમાં રમાઈ હતી
- ICCએ ન્યૂલેન્ડ્સની પિચને 'અસંતોષકારક' રેટિંગ આપ્યું
આ વર્ષની શરૂઆતમાં કેપટાઉનમાં ભારત અને સાઉથ આફ્રિકા વચ્ચે રમાયેલી મેચ ટેસ્ટ ઈતિહાસની સૌથી ટૂંકી મેચ હતી. આ મેચ માત્ર 642 બોલ સુધી ચાલી હતી એટલે કે મેચનું પરિણામ માત્ર દોઢ દિવસમાં જાહેર કરવામાં આવ્યું હતું. ખરાબ પિચના કારણે અહીં વિકેટો પડતી રહી. હવે ICCએ આ અંગે કાર્યવાહી કરી છે. ICCએ કેપટાઉનમાં ન્યૂલેન્ડ્સની પિચને 'અસંતોષકારક' રેટિંગ આપ્યું છે અને એક ડીમેરિટ પોઈન્ટ પણ આપ્યો છે.
કેપટાઉન ટેસ્ટમાં મેચની પહેલી જ ઓવરથી પિચ પર અનિયમિત ઉછાળો જોવા મળ્યો હતો. ફાસ્ટ બોલરોને સીમ મૂવમેન્ટ પણ ઘણી મળી હતી. આ જ કારણ હતું કે મેચના પહેલા દિવસે કુલ 23 વિકેટ પડી હતી. આ મેચ ટીમ ઈન્ડિયાના પક્ષમાં ગઈ હતી. આ મેચ જીતીને ભારત બે મેચની ટેસ્ટ સિરીઝ 1-1થી ડ્રો કરવામાં સફળ રહ્યું છે. મેચ દરમિયાન અને પછી ક્રિકેટ નિષ્ણાતોએ આ પીચની ભારે ટીકા કરી હતી.
