- વર્લ્ડકપ 2023માં પાકિસ્તાને ન્યુઝીલેન્ડને 21 રને હરાવ્યું
- આ મેચમાં પાકિસ્તાન ટીમને ધીમી ઓવર રેટ બદલ દંડ
- પાકિસ્તાન ટીમને મેચ ફી નો 10 ટકા દંડ ફટકાર્યો
આ વર્લ્ડકપમાં પાકિસ્તાન માટે કંઈ સારું થઈ રહ્યું નથી. સેમિફાઇનલમાં પહોંચવાનો તેમનો રસ્તો ખુલ્લો છે, પરંતુ તે ઘણો મુશ્કેલ છે. આ વર્લ્ડકપમાં, પ્રથમ બે મેચ જીત્યા પછી, પાકિસ્તાનને સતત 4 મેચમાં હારનો સામનો કરવો પડ્યો હતો, પરંતુ છેલ્લી બે મેચમાં, તેની ટ્રેન પાટા પર આવી ગઈ છે અને તેણે જીત મેળવી છે. જો કે તેમ છતાં પાકિસ્તાની ટીમની મુશ્કેલીઓનો અંત આવ્યો નથી.
પાકિસ્તાન ટીમને દંડ ફટકાર્યો
આ વર્લ્ડ કપમાં પાકિસ્તાનની સૌથી મોટી સમસ્યા તેમની બોલિંગ છે, જે એક સમયે તેમની તાકાત હતી. ન્યૂઝીલેન્ડ સામેની છેલ્લી મેચમાં પણ પાકિસ્તાનનો કોઈ બોલર અસરકારક સાબિત થયો ન હતો, જેના કારણે તેણે 50 ઓવરમાં 401 રન બનાવ્યા હતા. આ બિનઅસરકારક બોલિંગને કારણે પાકિસ્તાનના કેપ્ટન બાબર આઝમે પણ બોલિંગ કરતી વખતે એટલો સમય લીધો હતો કે તેને ધીમી ઓવર રેટ માટે દંડ ફટકારવામાં આવ્યો હતો.
મેચ ફી નો 10 ટકા દંડ
ન્યૂઝીલેન્ડ સામે પાકિસ્તાનના બોલરો શરૂઆતથી જ ખૂબ જ સમજી વિચારીને બોલિંગ કરી રહ્યા હતા. કેપ્ટન બાબર આઝમ પણ મૂંઝવણમાં હતો કે બોલ કોને સોંપવો, ક્યાં ફિલ્ડિંગની વ્યવસ્થા કરવી, કેવા પ્રકારની બોલિંગ કરવી. આ તમામ બાબતોના કારણે અંતે પાકિસ્તાનની ટીમ પ્રથમ ઇનિંગનીની સમાપ્તિની સમયમર્યાદાથી બે ઓવર પાછળ રહી ગઈ હતી, જેના કારણે તેણે પોતાના કેટલાક ખેલાડીઓને 30 યાર્ડના વર્તુળની અંદર રાખવા પડ્યા હતા અને ન્યુઝીલેન્ડની ટીમે તેનો ભરપૂર ફાયદો ઉઠાવ્યો હતો. પાકિસ્તાનને ધીમી ઓવર રેટ બદલ મેચ બાદ મેચ ફી નો 10 ટકા દંડ પણ ફટકારવામાં આવ્યો હતો.
પાકિસ્તાને ન્યુઝીલેન્ડને 21 રને હરાવ્યું
જોકે, પાકિસ્તાને પોતાની બેટિંગના આધારે આ મેચ જીતી લીધી હતી. ન્યુઝીલેન્ડના પહાડ જેવા સ્કોર સામે ફખર ઝમાને 81 બોલમાં 126 રનની અણનમ ઇનિંગ રમી હતી અને બીજા છેડેથી બાબર આઝમે પણ તેને સારો સાથ આપ્યો હતો. આ શાનદાર બેટિંગ અને વરસાદના કારણે આવેલી ડકવર્થ લુઈસ પદ્ધતિની મદદથી પાકિસ્તાને આ મેચ 21 રને જીતી લીધી હતી.
