ચેમ્પિયન્સ ટ્રોફીમાંથી ખસી શકે છે ટીમ ઈન્ડિયા, જાણો કેવી રીતે થશે ટૂર્નામેન્ટ

• ચેમ્પિયન ટ્રોફી 2025માં આયોજન પાકિસ્તાનમાં કરાશે
  
• ટીમ ઈન્ડિયા પાકિસ્તાનનો પ્રવાસ કરવા તૈયાર નથી
• ટીમ ઈન્ડિયા ટૂર્નામેન્ટમાંથી પોતાનું નામ પાછું ખેંચી શકે

પાકિસ્તાન ચેમ્પિયન્સ ટ્રોફી 2025ની યજમાની કરી રહ્યું છે, પરંતુ ટીમ ઈન્ડિયા પાડોશી દેશનો પ્રવાસ કરવા તૈયાર જણાતી નથી.એક અહેવાલ અનુસાર ભારતીય ટીમ ચેમ્પિયન્સ ટ્રોફી માટે પાકિસ્તાનનો પ્રવાસ નહીં કરે. આ સિવાય, અત્યાર સુધી કોઈપણ પ્રકારના હાઈબ્રિડ મોડલને લઈને કોઈ અપડેટ નથી. તો આવી સ્થિતિમાં શું ટીમ ઈન્ડિયા ટૂર્નામેન્ટમાંથી પોતાનું નામ પાછું ખેંચી શકે છે અને જો આવું થશે તો ટૂર્નામેન્ટ કેવી રીતે યોજાશે?

સૌથી પહેલા પાકિસ્તાને તેના ડ્રાફ્ટ શેડ્યૂલમાં ભારતની મેચો માત્ર લાહોરમાં રાખી છે, જેથી તે ભારતની સુરક્ષાની ચિંતાઓને દૂર કરી શકે. જોકે, અત્યાર સુધી જે મીડિયા રિપોર્ટ્સ સામે આવ્યા છે તે દર્શાવે છે કે ટીમ ઈન્ડિયા કોઈપણ કિંમતે પાકિસ્તાનનો પ્રવાસ કરવા તૈયાર નથી. જો કે BCCI તરફથી હજુ સુધી કોઈ સત્તાવાર માહિતી આવી નથી.

શું ટૂર્નામેન્ટમાંથી ખસી શકે છે ટીમ ઈન્ડિયા

જોકે, કદાચ પાકિસ્તાન ક્રિકેટ બોર્ડ પાસે BCCIની માંગ સ્વીકારવા સિવાય બીજો કોઈ વિકલ્પ નહીં હોય. જો કે, PCB તેના મુદ્દા પર અડગ છે કે ચેમ્પિયન્સ ટ્રોફીની તમામ મેચો પાકિસ્તાન દ્વારા યોજવામાં આવશે અને કોઈ હાઇબ્રિડ મોડલનો ઉપયોગ કરવામાં આવશે નહીં. આ સ્થિતિમાં ટીમ ઈન્ડિયા ટૂર્નામેન્ટમાંથી પોતાનું નામ પાછું ખેંચી શકે છે. જો ભારત પોતાનું નામ પાછું ખેંચશે તો ટૂર્નામેન્ટ કેવી રીતે થશે?

શ્રીલંકા ક્વોલિફાય થશે

જે છેલ્લા ODI વર્લ્ડકપના પોઈન્ટ ટેબલમાં નંબર 8 પર રહે છે. તે 8 ટીમો ચેમ્પિયન્સ ટ્રોફી માટે ક્વોલિફાય થાય છે. 2023ના છેલ્લા ODI વર્લ્ડકપમાં, બાંગ્લાદેશ ટેબલમાં 8મી ટીમ હતી અને શ્રીલંકા 9મી ટીમ હતી. હવે જો ટીમ ઈન્ડિયા પોતાનું નામ પાછું ખેંચે તો ટુર્નામેન્ટમાં માત્ર 7 ટીમો જ બચશે પરંતુ 8 ટીમો સાથે ટૂર્નામેન્ટ રમાય છે. આ સ્થિતિમાં નવમા નંબરની શ્રીલંકા ટૂર્નામેન્ટ રમવા માટે ક્વોલિફાય થશે.