IND vs PAK: ફેન્સ માટે મોટી જાહેરાત, ભારત-પાકિસ્તાન મેચમાં મળશે ફ્રિ એન્ટ્રી

• મહિલા T20 એશિયા કપ 19 જુલાઈથી રમાશે
  
• મહિલા T20 એશિયા કપમાં 8 ટીમો ભાગ લેશે
• તમામ 8 ટીમોને બે ગ્રુપમાં વહેંચવામાં આવી છે

મહિલા T20 એશિયા કપ 19 જુલાઈથી શ્રીલંકાની ધરતી પર યોજાવા જઈ રહ્યો છે. આ વખતે મહિલા T20 એશિયા કપમાં 8 ટીમો ભાગ લેશે. તેમાં ભારત, પાકિસ્તાન, શ્રીલંકા, બાંગ્લાદેશ, યુએઈ, નેપાળ, મલેશિયા અને થાઈલેન્ડની ટીમ સામેલ છે. T20 એશિયા કપ મહિલા ક્રિકેટમાં ખૂબ જ મહત્વપૂર્ણ ટૂર્નામેન્ટ છે. તમામ 8 ટીમોને બે ગ્રુપમાં વહેંચવામાં આવી છે.

શ્રીલંકા ક્રિકેટે કરી મોટી જાહેરાત

T20 એશિયા કપ માટે ભારતીય મહિલા ટીમની ટીમની જાહેરાત થઈ ચૂકી છે. જેમાં ભારતીય મહિલા ટીમ તેની પ્રથમ મેચ 19 જુલાઈએ પાકિસ્તાની મહિલા ટીમ સામે રમશે. હવે આ પહેલા પણ શ્રીલંકા ક્રિકેટે ચાહકોને મોટા સમાચાર આપ્યા છે. શ્રીલંકા ક્રિકેટે એક પ્રેસ રિલીઝમાં જણાવ્યું હતું કે તમામ મેચોનું આંતરરાષ્ટ્રીય પ્લેટફોર્મ પર જીવંત પ્રસારણ કરવામાં આવશે અને ચાહકોને સ્ટેડિયમમાં મફત પ્રવેશ આપવામાં આવશે. હવે ચાહકો સ્ટેડિયમમાં જઈને વિમેન્સ T20 એશિયા કપની તમામ મેચો ફ્રીમાં જોઈ શકશે.

દરેક ગ્રુપમાં 4-4 ટીમો રાખવામાં આવી હતી

તમામ 8 ટીમોને 4-4ના બે ગ્રુપમાં વહેંચવામાં આવી છે. જેમાં ભારતીય મહિલા ટીમ ગ્રુપ-એમાં સામેલ છે. આ ગ્રુપમાં ભારત ઉપરાંત પાકિસ્તાન, યુએઈ અને નેપાળ સામેલ છે. ગ્રુપ બીમાં બાંગ્લાદેશ, શ્રીલંકા, મલેશિયા અને થાઈલેન્ડની ટીમ સામેલ છે. ટુર્નામેન્ટમાં બે સેમી ફાઈનલ અને ફાઈનલ સહિત કુલ 15 મેચ રમાશે. ફાઈનલ મેચ 28 જુલાઈના રોજ રમાશે.

ભારતીય ટીમ આ ત્રણ ટીમો સાથે મેચ રમશે

ભારતીય મહિલા ટીમ તેની પ્રથમ મેચ 19 જુલાઈએ પાકિસ્તાન સામે રમશે. આ પછી 21 જુલાઈએ UAE અને 23 જુલાઈએ નેપાળ સામે મેચ રમાશે. ભારત ડિફેન્ડિંગ ચેમ્પિયન છે અને તેણે રેકોર્ડ સાત વખત ટૂર્નામેન્ટ જીતી છે. પ્રથમ મેચ UAE અને નેપાળ વચ્ચે બપોરે 2 વાગ્યે રમાશે. ટૂર્નામેન્ટમાં શ્રીલંકાની પ્રથમ મેચ 20 જુલાઈએ સાંજે 7 વાગ્યે બાંગ્લાદેશ સામે થશે.

મહિલા T20 એશિયા કપ માટે ભારતીય ટીમ:

હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), શેફાલી વર્મા, દીપ્તિ શર્મા, જેમિમાહ રોડ્રિગ્સ, રિચા ઘોષ (વિકેટકીપર), ઉમા છેત્રી (વિકેટકીપર), પૂજા વસ્ત્રાકર, અરુંધતિ રેડ્ડી, રેણુકા સિંહ ઠાકુર, દયાલન હેમલતા, આશા શોભના, રાધા યાદવ, શ્રેયંકા પાટિલ અને સજના સજીવન.

રિઝર્વ ખેલાડી: શ્વેતા સેહરાવત, સાયકા ઈશાક, તનુજા કંવર અને મેઘના સિંહ.