- સૌથી વધુ ચર્ચા કેપ્ટન્સશીપ છોડી ચૂકેલા મહેન્દ્રસિંહ ધોનીની
- નવા કેપ્ટન ઋતુરાજ ગાયકવાડની કપ્તાનીમાં રમશે ધોની
- રૂતુરાજ ગાયકવાડ આજે મેચમાં કોને પહેલો ચાન્સ આપશે તેને લઈ ચર્ચા
IPL 2024 આજથી ચેન્નાઈના MA ચિદમ્બરમ સ્ટેડિયમમાં શરૂ થઈ રહી છે. IPL 2024 સિઝનની પ્રથમ મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે આજે રાત્રે 8:00 વાગ્યે રમાશે. ચેન્નાઈ સુપર કિંગ્સ 5 વખત IPL ચેમ્પિયન છે. તે જ સમયે, રોયલ ચેલેન્જર્સ બેંગ્લોરે એક વખત પણ IPL ટ્રોફી જીતી નથી. આ મેચ પહેલા સૌથી વધુ ચર્ચા ચેન્નાઈ સુપર કિંગ્સની કેપ્ટન્સી છોડી ચૂકેલા મહેન્દ્ર સિંહ ધોનીની છે. મહેન્દ્ર સિંહ ધોની નવા કેપ્ટન ઋતુરાજ ગાયકવાડની કપ્તાનીમાં રમશે. ચાલો એક નજર કરીએ CSKના કપ્તાન રૂતુરાજ ગાયકવાડ આજે રોયલ ચેલેન્જર્સ બેંગ્લોર સામેની IPL મેચમાં ક્યા પ્લેઈંગ ઈલેવન સાથે મેદાનમાં ઉતરશે.
ઓપનિંગ બેટસમેન
રોયલ ચેલેન્જર્સ બેંગ્લોર સામે આજની IPL મેચમાં ચેન્નાઈ સુપર કિંગ્સ માટે રચિન રવિન્દ્ર અને કેપ્ટન રુતુરાજ ગાયકવાડ ઓપનિંગ કરી શકે છે. રચિન રવિન્દ્ર અને રુતુરાજ ગાયકવાડની જોડી ઘણી ખતરનાક સાબિત થઈ શકે છે અને આ બંને બેટસમેન પાવર-પ્લેમાં રન બનાવવામાં માહિર છે. રચિન રવિન્દ્ર અને રુતુરાજ ગાયકવાડ એક ક્ષણમાં મેચ બદલી શકે છે.
મધ્યમ ક્રમ
અજિંક્ય રહાણે ચેન્નાઈ સુપર કિંગ્સની પ્લેઈંગ ઈલેવનમાં નંબર 3 પર પ્રવેશ કરી શકે છે. મોઈન અલી ચોથા નંબર પર બેટિંગ કરવા ઉતરી શકે છે. ચેન્નાઈ સુપર કિંગ્સ ટીમ મેનેજમેન્ટ ન્યૂઝીલેન્ડના ઘાતક ઓલરાઉન્ડર ડેરેન મિશેલને પ્લેઈંગ ઈલેવનમાં નંબર 5 બેટિંગ પોઝિશન પર ઉતારશે.
ભારતનો વિસ્ફોટક ઓલરાઉન્ડર શિવમ દુબે ચેન્નાઈ સુપર કિંગ્સની પ્લેઈંગ ઈલેવનમાં છઠ્ઠા નંબર પર પ્રવેશ કરી શકે છે. રવિન્દ્ર જાડેજા 7મા નંબરે આવી શકે છે, જે બોલ અને બેટથી મેચનો માર્ગ બદલવામાં માહેર છે.
નંબર 8 અને વિકેટકીપર
વિકેટકીપર બેટસમેન મહેન્દ્ર સિંહ ધોની ચેન્નાઈ સુપર કિંગ્સની પ્લેઈંગ ઈલેવનમાં 8મા નંબર પર આવી શકે છે.મહેશ તિક્ષાના ચેન્નાઈ સુપર કિંગ્સની પ્લેઈંગ ઈલેવનમાં સ્પિન વિભાગની જવાબદારી સંભાળશે.શાર્દુલ ઠાકુર અને દીપક ચહરને ચેન્નાઈ સુપર કિંગ્સની પ્લેઈંગ ઈલેવનમાં ફાસ્ટ બોલિંગ વિભાગમાં તક આપવામાં આવી શકે છે.આ ચેન્નાઈ સુપર કિંગ્સની પ્લેઈંગ ઈલેવન હોઈ શકે છેરચિન રવિન્દ્ર, રુતુરાજ ગાયકવાડ (કેપ્ટન), અજિંક્ય રહાણે, મોઈન અલી, ડેરેન મિશેલ, શિવમ દુબે, રવિન્દ્ર જાડેજા, મહેન્દ્ર સિંહ ધોની (વિકેટકીપર), મહેશ તિક્ષાના, શાર્દુલ ઠાકુર અને દીપક ચહર.
