- રોહિત શર્મા શૂન્ય પર આઉટ થઈને પેવેલિયન પરત ફર્યો
- પેવેલિયન પરત ફરતી વખતે રોહિત શર્માએ શુભમન ગિલને ગુસ્સામાં જોયો
- સોશિયલ મીડિયા પર ઘણા મિમ્સ વાયરલ થવા લાગ્યા હતા
ભારત અને અફઘાનિસ્તાન વચ્ચે આજે 11 જાન્યુઆરીએ ત્રણ મેચોની T20 શ્રેણીની પ્રથમ મેચ રમાઈ હતી. મોહાલીના PCA IS બિન્દ્રા સ્ટેડિયમમાં ચાહકો આશ્ચર્યચકિત થઈ ગયા જ્યારે લક્ષ્યનો પીછો કરી રહેલી ટીમ ઈન્ડિયાનો કેપ્ટન શૂન્ય પર આઉટ થઈને પેવેલિયન પરત ફર્યો. મોહાલીમાં અફઘાનિસ્તાન સામે ટી20માં કમબેક કરતી વખતે ભારતીય કેપ્ટન રોહિત શર્મા શૂન્ય રને આઉટ થયો હતો. રોહિત શર્માનું 14 મહિનાના અંતરાલ પછી T20I ક્રિકેટમાં કમબેક બિલકુલ યાદગાર નહોતું, કેપ્ટનનો બેટ સાથે ભૂલી ન શકાય એવો દિવસ હતો.
રોહિત શર્મા આઉટ
રોહિત સાથી ઓપનર શુભમન ગિલ સાથે ઓપનિંગ કરવા આવ્યો હતો અને બીજી ઇનિંગના બીજા બોલ પર રનઆઉટ થયો હતો. પેવેલિયન પરત ફરતી વખતે રોહિત શર્માએ શુભમન ગિલને ગુસ્સામાં જોયો હતો. રોહિત બોલ સીધો મિડ-ઓફ ફિલ્ડર તરફ ફટકારીને સિંગલ લેવા દોડ્યો હતો. જો કે, ગિલ પણ રન લેવાને બદલે બોલ તરફ જોતો જોવા મળ્યો હતો, જેના કારણે બંને બેટ્સમેનો નોન-સ્ટ્રાઈકર છેડે ફસાયેલા રહી ગયા હતા. રોહિતને ડ્રેસિંગ રૂમમાં પાછા જવું પડ્યું. રોહિતે ગીલને કહીને ગુસ્સામાં પ્રતિક્રિયા આપી કે તેણે બોલને બદલે તેમની તરફ જોવું જોઈતું હતું. આ સાથે સોશિયલ મીડિયા પર મિમ્સનું પુર આવ્યું હતુ.
મોહાલી બિન્દ્રા સ્ટેડિયમ પિચ રિપોર્ટ
મોહાલીના આઈએસ બિન્દ્રા ક્રિકેટ સ્ટેડિયમની પીચ બેટ્સમેન માટે મદદરૂપ રહી છે. ઉછાળવાળી પીચને કારણે બેટ્સમેન માટે અહીં રમવું ખૂબ જ સરળ બની જાય છે. બોલ બેટ પર ખૂબ સારી રીતે આવે છે. એટલું જ નહીં મોહાલીની આઉટફિલ્ડ પણ ખૂબ જ ઝડપી છે. આવી સ્થિતિમાં સિક્સરની સાથે સાથે અનેક ચોગ્ગા પણ ફટકારે છે. બેટિંગ ઉપરાંત નવો બોલ પણ બોલરને શરૂઆતમાં ઘણી મદદ કરે છે.
ભારતની પ્લેઇંગ 11: રોહિત શર્મા (કેપ્ટન), શુભમન ગિલ, તિલક વર્મા, રિંકુ સિંહ, જીતેશ શર્મા (wc), શિવમ દુબે, અક્ષર પટેલ, અર્શદીપ સિંહ, રવિ બિશ્નોઈ, વોશિંગ્ટન સુંદર, મુકેશ કુમાર.
અફઘાનિસ્તાનની પ્લેઇંગ 11: રહેમાનુલ્લા ગુરબાઝ (wc), ઇબ્રાહિમ ઝદરાન (કેપ્ટન), રહમત શાહ, અઝમતુલ્લા ઉમરઝાઈ, મોહમ્મદ નબી, નજીબુલ્લાહ ઝદરાન, કરીમ જનત, ગુલબદ્દીન નાયબ, ફઝલહક ફારૂકી, નવીન-ઉલ-હક, મુજીબ ઉર રહેમાન.
