ઈંગ્લેન્ડ સામે જાડેજાની તલવારબાજી, હૈદરાબાદ ટેસ્ટના બીજા દિવસે ભારતની સ્થિતિ મજબૂત

• ભારત અને ઈંગ્લેન્ડ વચ્ચે હૈદરાબાદમાં પ્રથમ ટેસ્ટ
  
• બીજા દિવસને અંતે ભારતે 175 રનની લીડ મેળવી
• રવિન્દ્ર જાડેજાએ અણનમ 81 રનની ઈનિંગ રમી

ભારત અને ઈંગ્લેન્ડ વચ્ચે પાંચ મેચોની ટેસ્ટ સિરીઝની પ્રથમ મેચ હૈદરાબાદમાં રમાઈ રહી છે. 25 જાન્યુઆરીથી શરૂ થયેલી મેચમાં બે દિવસ પૂર્ણ થયા છે. બીજા દિવસના અંત સુધીમાં, ટીમ ઇન્ડિયાએ શાનદાર બેટિંગ કરીને 7 વિકેટના નુકસાને 421 રન બનાવ્યા છે. જેની સાથે ભારતે 175 રનની લીડ મેળવી લીધી છે. આ દરમિયાન રવિન્દ્ર જાડેજા અને અક્ષર પટેલ ક્રિઝ પર છે.

જાડેજાએ 155 બોલમાં 7 ફોર અને 2 સિકસરની મદદથી અણનમ 81 રન બનાવ્યા છે. આ સિવાય તેનો સાથ આપી રહેલા અક્ષર પટેલે 62 બોલમાં 5 ફોર અને 1 સિકસરની મદદથી અણનમ 35 રન બનાવીને પેવેલિયન પરત ફર્યો હતો. બંને વચ્ચે આઠમી વિકેટ માટે 63* રનની પાર્ટનરશિપ થઈ છે.

રાહુલ અને જયસ્વાલ સદી ચૂક્યો

ભારત તરફથી ચોથા નંબર પર બેટિંગ કરવા આવેલા કેએલ રાહુલે 123 બોલમાં 8 ફોર અને 2 સિકસરની મદદથી 86 રન બનાવ્યા હતા, પરંતુ તે પોતાની સદી પૂરી કરી શક્યો નહોતો. સિક્સર મારવાના પ્રયાસમાં રાહુલે પોતાની વિકેટ ગુમાવી દીધી હતી. આ સિવાય ઓપનિંગ કરવા આવેલા યશસ્વી જયસ્વાલે પણ 74 બોલમાં 10 ફોર અને 3 સિકસરની મદદથી 80 રન બનાવીને આઉટ થઈ ગયો હતો. જયસ્વાલે પણ બાઉન્ડ્રી ફટકારવાના પ્રયાસમાં પોતાની વિકેટ ગુમાવી દીધી હતી.

યશસ્વી જયસ્વાલની શાનદાર ઈનિંગ

ભારતે બેટિંગ કરતા બીજા દિવસની શરૂઆત 119/1 રનથી કરી, જ્યારે યશસ્વી જયસ્વાલ અને શુભમન ગિલ ક્રિઝ પર હાજર હતા. ઝડપી ઇનિંગ્સ રમીને સદી તરફ આગળ વધી રહેલા ઓપનર યશસ્વી જયસ્વાલના રૂપમાં ભારતને બીજા દિવસનો પહેલો ઝટકો લાગ્યો હતો. જો રૂટે દિવસની પ્રથમ અને ઈનિંગની 24મી ઓવરના ચોથા બોલ પર જયસ્વાલને આઉટ કર્યો હતો. ભારતીય ઓપનરે 80 રનની ઇનિંગ રમી હતી.

ત્યારપછી ભારતને બીજા દિવસનો બીજો અને ઈનિંગનો ત્રીજો ઝટકો શુભમન ગિલના રૂપમાં લાગ્યો હતો, જે 35મી ઓવરમાં 23 રનના વ્યક્તિગત સ્કોર પર પેવેલિયન પરત ફર્યો હતો. આ પછી કેએલ રાહુલ અને શ્રેયસ અય્યરે ચોથી વિકેટ માટે 64 રનની પાર્ટનરશિપ કરી હતી. 53મી ઓવરમાં રેહાન એહમદે શ્રેયસ ઐયરનો પોતાનો શિકાર બનાવ્યો હતો.

જાડેજા- અક્ષર વચ્ચે મજબૂત પાર્ટનરશિપ

રાહુલે છઠ્ઠા નંબર પર બેટિંગ કરવા આવેલા રવિન્દ્ર જાડેજા સાથે પાંચમી વિકેટ માટે 65 રનની પાર્ટનરશિપ કરી હતી, જે 65મી ઓવરમાં કેએલ રાહુલની વિકેટ સાથે પૂરી થઈ હતી. પોતાની સદી તરફ આગળ વધી રહેલો રાહુલ 86 રન બનાવીને પેવેલિયન પરત ફર્યો હતો.

જાડેજા અને કેએસ ભરત દ્વારા લેવામાં આવી હતી, બંનેએ છઠ્ઠી વિકેટ માટે 68 રન જોડ્યા હતા. જાડેજા અને ભરત વચ્ચે ઉભરતી ભાગીદારી 89મી ઓવરમાં જો રૂટ દ્વારા તૂટી ગઈ હતી, જેણે ભરતને આઉટ કર્યો હતો. ભરતે 3 ફોરની મદદથી 41 રન બનાવ્યા હતા. આ પછી ક્રિઝ પર આવેલો અશ્વિન માત્ર 1 રન બનાવીને રનઆઉટ થયો હતો. ત્યારબાદ અક્ષર પટેલે દિવસના અંત સુધી જાડેજાને સાથ આપ્યો હતો. બંને ભારતીય બેટ્સમેન ક્રિઝ પર હાજર છે અને બંનેએ આઠમી વિકેટ માટે 63* રનની પાર્ટનરશિપ કરી છે.