IND VS PAK: કેએલ રાહુલે કર્યું મોટું કારમાનું, આ લિસ્ટમાં મેળવ્યું સ્થાન

• કેએલ રાહુલની ભારતીય ટીમમાં થઈ વાપસી
  
• રાહુલે ટીમમાં પરત આવીને મોટું કારનામું કર્યું
• રાહુલે ઝડપી 2 હજાર રન પૂર્ણ કર્યા

આંતરરાષ્ટ્રીય ક્રિકેટમાં લાંબા સમય બાદ વાપસી કરનારો કેએલ રાહુલ પોતાના બેટથી એક મોટું કારનામું કરવામાં સફળ થયો છે. રાહુલને પાકિસ્તાન વિરુદ્ધ સુપર-4ની મેચમાં ટીમ ઈન્ડિયાની પ્લેઈંગ ઈલેવનમાં શ્રેયસ અય્યરની જગ્યાએ સ્થાન આપવામાં આવ્યું છે. આ મેચ પહેલાં રાહુલે વનડેમાં 1 હજાર 986 રન બનાવ્યા હતા અને હવે તેણે 2 હજાર રનનો આંકડો પાર કર્યો છે. રાહુલે આ કારનામું 53 ઈનિંગમાં પૂર્ણ કર્યું છે.

રાહુલ 2 હજાર રન બનાવનારો ત્રીજો ભારતીય બન્યો

કેએલ રાહુલ હવે વનડેમાં ભારત માટે સૌથી ઝડપી 2 હજાર રન બનાવનારો ત્રીજો ભારતીય બેટ્સમેન બન્યો છે. આ લિસ્ટમાં પ્રથમ નંબર પર શિખર ધવન છે. ધવને 48 ઈનિંગમાં આ કારનામું કર્યું હતું. આ ઉપરાંત વિરાટ કોહલીએ પણ વનડેની 53 ઈનિંગમાં 2 હજાર રન પૂર્ણ કર્યા હતા.

રાહુલ 55 વનડે મેચ રમ્યો

રાહુલે અત્યાર સુધી 55 વનડે મેચની 53 ઈનિંગમાં 2 હજાર 3 રન 45.52ની એવરેજથી બનાવ્યા છે. જેમાં 5 સદી અને 13 ફિફ્ટી સામેલ છે. ઓપનિંગ બેટ્સમેન તરીકે વનડે શરૂ કરનારો રાહુલ હવે ટીમ ઈન્ડિયાના મધ્યક્રમનો મહત્વનો ભાગ છે અને તે આગામી વનડે વર્લ્ડકપ 2023ની ટીમમાં પણ સામેલ છે.