- ભારત વિ દક્ષિણ આફ્રિકા ટી20 વર્લ્ડકપ ફાઇનલ બાર્બાડોસમાં રમાશે
- અહીંની પીચ ઝડપી બોલરોને સપોર્ટ કરે છે
- ટીમો ટોસ જીત્યા બાદ બોલિંગ કરવાનું પસંદ કરે છે
ભારત અને દક્ષિણ આફ્રિકા ટી20 વર્લ્ડકપ2024 ની ફાઈનલ મેચ કેન્સિંગ્ટન ઓવલ, બાર્બાડોસ ખાતે રમાશે. આ મેચ ભારતીય સમય મુજબ રાત્રે 8 વાગ્યે શરૂ થશે, જ્યારે બંને કેપ્ટન ટોસના અડધો કલાક પહેલા ફિલ્ડ પર ઉતરશે. બાર્બાડોસમાં આજે વરસાદનું સંકટ છે, તેથી વરસાદના વિક્ષેપને કારણે મેચ અધવચ્ચે જ અટકી શકે છે. જો ભારે વરસાદના કારણે આજે મેચ પૂર્ણ થઈ શકી નથી તો ટાઈટલની લડાઈ માટે રિઝર્વ ડે રાખવામાં આવ્યો છે. બાર્બાડોસની પીચની વાત કરીએ તો અહીંની પીચ સ્પિનરો કરતાં ફાસ્ટ બોલરોને વધુ સપોર્ટ કરે છે.
ભારત વિ દક્ષિણ આફ્રિકા પીચ રિપોર્ટ
ભારત અને દક્ષિણ આફ્રિકાની ફાઈનલ પીચ નંબર 4 પર રમાશે, જેનો ઉપયોગ નામીબિયા વિ ઓમાન અને સ્કોટલેન્ડ વિ ઈંગ્લેન્ડ મેચ માટે કરવામાં આવ્યો હતો. નામિબિયા વિ ઓમાન મેચ ઓછી સ્કોરિંગ હતી, પરંતુ મેચ સુપર ઓવરમાં ગઈ હતી. સ્કોટલેન્ડે ઈંગ્લેન્ડ સામે 10 ઓવરમાં 90 રન બનાવ્યા હતા, પરંતુ વરસાદના કારણે મેચ પૂર્ણ થઈ શકી ન હતી.
ન્યૂયોર્ક બાદ કેન્સિંગ્ટન ઓવલમાં સૌથી વધુ વિકેટ ઝડપી બોલરોએ લીધી છે. અહીંની પીચ ઝડપી બોલરોને વધુ પસંદ કરે છે. અત્યાર સુધી ફાસ્ટ બોલરે બાર્બાડોસમાં 20.22ની એવરેજથી 59 વિકેટ ઝડપી છે. આ વર્લ્ડ કપમાં માત્ર એક જ વાર 200થી ઉપરનો સ્કોર રહ્યો છે, બાકી એવરેજ સ્કોર 109થી 181ની વચ્ચે રહ્યો છે. ભારતે આ મેદાન પર પોતાની એકમાત્ર મેચ અફઘાનિસ્તાન સામે રમી હતી, જ્યારે ટીમ ઈન્ડિયાએ બોર્ડ પર 181 રન બનાવ્યા હતા. આ વર્લ્ડ કપમાં દક્ષિણ આફ્રિકા પોતાની પહેલી મેચ અહીં રમશે. અત્યાર સુધી બાર્બાડોસમાં ટીમોએ ટોસ જીતીને પ્રથમ બોલિંગ કરવાનું પસંદ કર્યું છે.
બાર્બાડોસ કેન્સિંગ્ટન ઓવલ સ્ટેડિયમ સ્ટેટિસ્ટિક્સ એન્ડ રેકોર્ડ્સ
મેચ - 32
પ્રથમ બેટિંગ કરતી વખતે જીતેલી મેચો - 19 (59.38%)
ટાર્ગટનો પીછો કરતી વખતે જીતેલી મેચો - 11 (34.38%)
ટોસ જીત્યા પછી જીતેલી મેચો - 19 (59.38%)
ટોસ હાર્યા પછી જીતેલી મેચો - 11 (34.38%)
સૌથી વધુ સ્કોર - 224/5
સૌથી ઓછો સ્કોર - 80
ચેઝમાં સૌથી વધુ સ્કોર - 172/6
પ્રથમ બેટિંગ કરતી વખતે એવરેજ સ્કોર – 153
ભારત વિ દક્ષિણ આફ્રિકા ટી20 વર્લ્ડકપમાં આમને સામને
ટી20 વર્લ્ડકપમાં ભારત અને દક્ષિણ આફ્રિકા કુલ 6 વખત ટકરાયા છે, જેમાં ટીમ ઈન્ડિયા 4 વખત અને આફ્રિકન ટીમ બે વખત જીતી છે. આ વર્લ્ડકપમાં બંને ટીમોની આ પહેલી મુલાકાત છે.
