- ભારત અને શ્રીલંકા વચ્ચે ત્રણ મેચની વનડે સિરીઝ ચાલુ
- ભારત અને શ્રીલંકા વચ્ચેની પ્રથમ વન ડે મેચ ટાઇ થઇ
- બીજી વનડેમાં આવી હોઈ શકે છે ભારતની પ્લેઈંગ ઈલેવન
ભારત અને શ્રીલંકા વચ્ચે ત્રણ મેચની વનડે સિરીઝ રમાઈ રહી છે. આ સિરીઝની પ્રથમ મેચ ટાઈ રહી હતી. આ ભારત માટે કોઈ હારથી ઓછું ન હતું, કારણ કે એક સમયે આ મેચમાં ટીમ ઈન્ડિયાની જીત એકદમ નિશ્ચિત દેખાતી હતી, પરંતુ અંતિમ ક્ષણોમાં ભારતીય દાવ ખોરવાઈ ગયો અને શ્રીલંકા હારથી બચી ગઈ. આવી સ્થિતિમાં હવે સવાલ એ છે કે રોહિત શર્મા બીજી વનડેમાં પ્લેઈંગ ઈલેવનમાં ફેરફાર કરશે કે નહીં? બીજી વનડેમાં ટીમ ઈન્ડિયાની પ્લેઈંગ ઈલેવન કેવી હોઈ શકે છે.
આવતીકાલે રમાશે બીજી વન ડે
ભારત અને શ્રીલંકા વચ્ચે બીજી વનડે મેચ રવિવાર, 4 ઓગસ્ટે રમાશે. કેપ્ટન રોહિત શર્મા અને કોચ ગૌતમ ગંભીર પ્રથમ મેચની ભૂલોમાંથી શીખવા માંગે છે અને કોઈપણ કિંમતે બીજી વનડે જીતવા માંગે છે. રિષભ પંતને બીજી વનડેમાં તક મળશે કે નહીં તે પણ એક મોટો પ્રશ્ન છે.
આવી હોઈ શકે છે ભારતની પ્લેઈંગ ઈલેવન
રોહિત શર્મા અને શુભમન ગિલ બીજી વનડેમાં પણ ઇનિંગ્સની શરૂઆત કરી શકે છે. વિરાટ કોહલી ત્રીજા નંબર પર અને શ્રેયસ ઐયરને ચોથા નંબર પર રમતા જોઈ શકાય છે. આ પછી વિકેટકીપર કેએલ રાહુલ પાંચમા નંબર પર રમતા જોવા મળશે. મતલબ કે રિષભ પંતને ફરી એકવાર બેંચ પર બેસવું પડશે. શિવમ દુબે છઠ્ઠા નંબરે અને અક્ષર પટેલ સાતમા નંબરે રમે તેવી શક્યતા છે. પછી વોશિંગ્ટન સુંદર દેખાઈ શકે છે. કુલદીપ યાદવ મુખ્ય સ્પિનર અને મોહમ્મદ સિરાજ અને અર્શદીપ સિંહ ફાસ્ટ બોલર હશે. મતલબ કે કેપ્ટન રોહિત શર્મા કોઈપણ ફેરફાર કર્યા વિના બીજી વનડેમાં પ્રવેશી શકે છે.
ટીમ ઈન્ડિયાની સંભવિત પ્લેઈંગ ઈલેવન
રોહિત શર્મા (c), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (wk), શિવમ દુબે, અક્ષર પટેલ, વોશિંગ્ટન સુંદર, કુલદીપ યાદવ, અર્શદીપ સિંહ અને મોહમ્મદ સિરાજ.
