રોહિત શર્માના બીજી ટેસ્ટમાં રમવા અંગે કેએલ રાહુલે આપ્યું અપડેટ

• રોહિત શર્મા ODI સિરીઝ દરમિયાન ઈજાગ્રસ્ત થયો હતો
  
• પ્રથમ ટેસ્ટમાં કેએલ રાહુલે ટીમની કમાન સંભાળી હતી
• બાંગ્લાદેશ સામે બીજી ટેસ્ટ મેચ ઢાકામાં રમાશે

બાંગ્લાદેશ સામેની 2 મેચોની ટેસ્ટ શ્રેણીની પ્રથમ મેચમાં કેએલ રાહુલે ટીમની કમાન સંભાળી હતી. ટીમે 18 ડિસેમ્બર, રવિવારે પાંચમા દિવસે 188 રનથી જીત મેળવીને 1-0ની લીડ મેળવી હતી. મેચ બાદ રાહુલે રોહિત શર્માની ઈજા અંગે જવાબ આપ્યો હતો.

રાહુલે રોહિતની ઈજા અંગે આપ્યું અપડેટ

ભારતીય ક્રિકેટ ટીમના કેપ્ટન રોહિત શર્માને વનડે સિરીઝ દરમિયાન ઈજા થઈ હતી અને તે ભારત પરત ફર્યો હતો. બાંગ્લાદેશ સામેની 2 મેચોની ટેસ્ટ શ્રેણીની પ્રથમ મેચમાં કેએલ રાહુલે ટીમની કમાન સંભાળી હતી. ટીમે 18 ડિસેમ્બર, રવિવારે પાંચમા દિવસે 188 રનથી જીત મેળવીને 1-0ની લીડ મેળવી હતી. મેચ બાદ રાહુલે રોહિત શર્માની ઈજા અંગે જવાબ આપ્યો હતો.

વનડે શ્રેણીમાં રોહિત ઈજાગ્રસ્ત થયો હતો

બાંગ્લાદેશ સામેની ત્રણ મેચની વનડે શ્રેણીની બીજી મેચમાં ફિલ્ડિંગ દરમિયાન રોહિત ઈજાગ્રસ્ત થયો હતો. સ્લિપમાં કેચ લેતી વખતે બોલ રોહિતના અંગૂઠા પર વાગ્યો અને તેને હોસ્પિટલ લઈ જવામાં આવ્યો. ઈજા ગંભીર હતી, જેના કારણે તેણે પાટો બાંધીને મેદાનમાં ઉતરવું પડ્યું હતું. તેણે મેચમાં અડધી સદી ફટકારી હતી પરંતુ તે પછી તે સારવાર માટે ભારત પરત ફર્યો હતો.

એક-બે દિવસ પછી માહિતી મળશે

રાહુલે મેચ પછી કહ્યું, “અમને રોહિતની ઈજા વિશે આવતીકાલે અથવા એક-બે દિવસ પછી જ માહિતી મળશે. સાચું કહું તો મને એ પણ ખબર નથી કે આ સમયે તેની ઈજાની સ્થિતિ શું છે.

ભારત માટે શાનદાર જીત

બાંગ્લાદેશ વિરુદ્ધ ચિત્તાગોંગ ટેસ્ટમાં પ્રથમ બેટિંગ કરતા ભારતે પ્રથમ દાવમાં 404 રન બનાવ્યા હતા. આ પછી, કુલદીપ યાદવ અને મોહમ્મદ સિરાજની શાનદાર બોલિંગના આધારે યજમાન ટીમ 150 રનમાં સમાઈ ગઈ હતી. બીજી ઇનિંગમાં શુભમન ગિલ અને ચેતેશ્વર પૂજારાની સદીની ઇનિંગના આધારે 2 વિકેટે 258 રન બનાવીને ઇનિંગ ડિકલેર કરી હતી. 514 રનના વિશાળ લક્ષ્યાંકનો પીછો કરવા ઉતરેલી બાંગ્લાદેશની ટીમ 324 રનમાં સમેટાઈ ગઈ હતી.