વરસાદના કારણે ધોવાઈ જશે ભારત-બાંગ્લાદેશની મેચ! જાણો weather રીપોર્ટ

• એડિલેડમાં ભારત-બાંગ્લાદેશ મેચમાં વરસાદની 61 ટકા સંભાવના
  
• મહત્તમ 16-લઘુત્તમ 10 ડિગ્રી સેલ્સિયસ તાપમાન રહેવાની ધારણા
• 91 ટકા વાદળછાયું વાતાવરણ-પવનની ઝડપ 50 km/hr રહેશે

ઓસ્ટ્રેલિયા દ્વારા આયોજિત T20 વર્લ્ડકપ 2022માં ભારતીય ટીમ આજે તેની ચોથી મેચ રમવાની છે. આ મેચ ભારતીય સમય અનુસાર બપોરે 1.30 વાગ્યાથી એડિલેડમાં બાંગ્લાદેશ સામે રમાશે. ચાહકો માટે એક ખરાબ સમાચાર એ છે કે આજની મેચમાં વરસાદ પડવાની પુરેપુરી સંભાવના છે. એડિલેડમાં અવિરત વરસાદને કારણે આ મેચ થવી ખૂબ જ મુશ્કેલ લાગી રહી છે.

વર્લ્ડકપ પર વરસાદની ખરાબ અસર

ખરેખર, ઓસ્ટ્રેલિયામાં આ સમયે હવામાન સારું નથી. વર્લ્ડકપ પર વરસાદની ખરાબ અસર પડી છે. જેના કારણે ઘણા ફેરફારો જોવા મળ્યા છે. અફઘાનિસ્તાનની ટીમ તો વરસાદના કારણે જ સેમિફાઈનલની રેસથી બહાર જ થઇ ગઈ છે. આજે એડિલેડમાં પણ વરસાદની સંભાવના ઘણી વધારે છે. આવી સ્થિતિમાં ભારત-બાંગ્લાદેશ મેચ પણ રદ થઇ શકે છે.

એડિલેડમાં વરસાદની 61 ટકા શક્યતા

Accuweather અનુસાર, આજે એડિલેડમાં વરસાદની 61 ટકા સંભાવના છે. જ્યારે 91 ટકા સુધી વાદળછાયું રહેવાની ધારણા છે. આજે એડિલેડમાં મહત્તમ તાપમાન 16 ડિગ્રી સેલ્સિયસ રહેશે, જ્યારે લઘુત્તમ તાપમાન 10 ડિગ્રી સેલ્સિયસ રહેવાની ધારણા છે. અહીં પવનની ઝડપ 50 કિમી પ્રતિ કલાકની રહેશે. એક દિવસ પહેલા એટલે કે મંગળવારે પણ એડિલેડમાં સતત વરસાદ પડી રહ્યો હતો.

એડિલેડમાં બુધવારે હવામાનની આગાહી

મહત્તમ તાપમાન: 16° સેલ્સિયસ

લઘુત્તમ તાપમાન: 10° સેલ્સિયસ

વરસાદની સંભાવના: 61%

વાદળછાયું હવામાન: 91%

પવનની ઝડપ હશે: 50 કિમી/કલાક

શું મેચ દરમિયાન વરસાદની સંભાવના છે?

વાસ્તવમાં, ભારત અને બાંગ્લાદેશ વચ્ચે સ્થાનિક સમય મુજબ (ઓસ્ટ્રેલિયામાં) સાંજે 7 વાગ્યાથી મેચ રમવાની છે. આવી સ્થિતિમાં, આ સમયગાળા દરમિયાન, એડિલેડમાં વરસાદની સંભાવના સૌથી વધુ રહે છે. વરસાદના કારણે ટોસમાં પણ વિલંબ થવાની સંભાવના છે. એક્વાવેધરના જણાવ્યા અનુસાર રાત્રે 8 વાગ્યે વરસાદની સંભાવના સૌથી વધુ રહેશે.

જો વરસાદને કારણે મેચ રદ્દ થાય તો?

ટીમ ઈન્ડિયાએ અત્યાર સુધી 3 મેચ રમી છે, જેમાં 2 જીત અને 1 હાર સાથે તેના 4 પોઈન્ટ છે. ટીમ ઈન્ડિયા અત્યારે ગ્રુપ 2માં બીજા નંબર પર છે. જો ભારત-બાંગ્લાદેશ મેચ ડ્રો થશે તો બંને ટીમોને 1-1 પોઈન્ટ મળશે. એટલે કે તે સમયે ભારતના 4 મેચમાં 5 પોઈન્ટ હશે. ભારતની સાથે બાંગ્લાદેશની પણ આવી જ હાલત છે અને જો વરસાદ પડે તો તેના પણ 4 મેચમાં 5 પોઈન્ટ થઈ જશે. એટલે કે બંને ટીમો બરાબરી પર રહેશે.

ભારત-બાંગ્લાદેશ મેચ માટે સંભવિત પ્લેઈંગ-11

ભારતીય ટીમઃ

રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, હાર્દિક પંડ્યા, દીપક હુડ્ડા, રિષભ પંત (વિકેટકીપર), રવિચંદ્રન અશ્વિન, ભુવનેશ્વર કુમાર, મોહમ્મદ શમી, અર્શદીપ સિંહ.

બાંગ્લાદેશની ટીમઃ

નજમુલ હુસેન શાંતો, સૌમ્ય સરકાર, લિટન દાસ, શાકિબ અલ હસન (કેપ્ટન), અફીફ હુસૈન, મોસાદ્દીક હુસૈન, નુરુલ હસન, યાસિર અલી, મુસ્તફિઝુર રહેમાન, હસન મહમૂદ, તસ્કીન અહેમદ.