- ભારત અને શ્રીલંકા વચ્ચે 3 મેચની T20 સિરીઝ
- આ સિરીઝની શરૂઆત 27 જૂલાઈથી થશે
- હેડ ટુ હેડ રેકોર્ડમાં ભારતનું પલડું ભારે છે
ભારત અને શ્રીલંકા વચ્ચે સિરીઝ શરૂ થવાની છે. પ્રથમ ત્રણ T20 આંતરરાષ્ટ્રીય મેચો રમાશે અને ત્યારબાદ ત્રણ મેચની વનડે સિરીઝ રમાશે. આ સિરીઝ માટે ભારતીય ટીમની જાહેરાત કરવામાં આવી છે, જે હવે શ્રીલંકા પહોંચી ગઈ છે. આજે જ એટલે કે મંગળવારે શ્રીલંકાએ પણ પોતાની ટીમની જાહેરાત કરી હતી.સિરીઝ પહેલા ફેન્સના મનમાં સવાલ છે કે T20 આંતરરાષ્ટ્રીય મેચોમાં શ્રીલંકા સામે ભારતીય ટીમનું અત્યાર સુધીનું પ્રદર્શન કેવું રહ્યું છે.
બે યુવા કેપ્ટન વચ્ચે ટક્કર
જ્યાં એક તરફ સૂર્યકુમાર યાદવ T20 સિરીઝ માટે ટીમ ઈન્ડિયાની કેપ્ટનશીપ સંભાળતા જોવા મળશે તો બીજી તરફ શ્રીલંકાની કમાન ચરિથ અસલંકાને સોંપવામાં આવી છે. સૂર્યકુમાર યાદવે ભલે કેટલીક મેચોમાં ટીમ ઈન્ડિયાની કમાન સંભાળી હોય, પરંતુ શ્રીલંકા સામે તે સંપૂર્ણપણે નવો છે.એટલે કે એકંદરે બંને નવા કેપ્ટન છે અને તેમની કેપ્ટનશીપની પણ કસોટી થશે.
બંને દેશો વચ્ચે હેડ ટુ હેડ રેકોર્ડ
ભારત અને શ્રીલંકા વચ્ચે પ્રથમ T20I મેચ વર્ષ 2009માં રમાઈ હતી, ત્યારથી આ બંને ટીમો આ ફોર્મેટમાં 29 વખત સામસામે આવી ચુકી છે. તેમાંથી ભારતીય ટીમે 19 મેચ જીતી છે. શ્રીલંકાએ માત્ર 9 મેચ જીતી છે. એક મેચ એવી પણ બની છે જેનું કોઈ પરિણામ આવી શક્યું નથી. એટલે કે ભારતીય ટીમનો હાથ ઉપર હોય તેવું લાગી રહ્યું છે. પરંતુ આ એક નવી સિરીઝ છે, તેમાં શું થશે તે અત્યારે કહેવું મુશ્કેલ છે.
T20 સિરીઝ માટે ટીમ ઈન્ડિયા
સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), યશસ્વી જયસ્વાલ, રિંકુ સિંહ, રિયાન પરાગ, સંજુ સેમસન (વિકેટકીપર), રિષભ પંત (વિકેટકીપર), હાર્દિક પંડ્યા, શિવમ દુબે, અક્ષર પટેલ, વોશિંગ્ટન સુંદર, રવિ બિશ્નોઈ, અર્શદીપ સિંહ, ખલીલ અહેમદ, મોહમ્મદ સિરાજ.
T20 સિરીઝ માટે શ્રીલંકાની ટીમ
ચરિથ અસલંકા (કેપ્ટન) પથુમ નિસાંકા, કુસલ પરેરા, અવિષ્કા ફર્નાન્ડો, કુસલ મેન્ડિસ, દિનેશ ચંદીમલ, કામિન્દુ મેન્ડિસ, દાસુન શનાકા, વાનિંદુ હસરંગા, દુનિથ વેલ્લાલાગે, મહેશ તિક્ષ્ણા, ચામિંદુ વિક્રમસિંઘે, મથિશા પાથિરાના, નુવાન તુષારા, દુષ્મંથા ચમીરા, બિનુરા ફર્નાન્ડો.
