- ગુજરાત ટાઇટન્સ અને KKR વચ્ચેની મેચ રદ
- ગુજરાત ટાઈટન્સ પ્લેઓફની રેસમાંથી થયું બહાર
- મેચ રદ્દ થયા બાદ સોશિયલ મીડિયા પર મિમ્સનું પૂર
IPL 2024માં, સોમવારે 13 મેના રોજ ગુજરાત ટાઇટન્સ અને KKR વચ્ચેની મેચ ટોસ વિના વરસાદને કારણે રદ કરવામાં આવી હતી. ગુજરાત માટે આ મેચમાંથી 2 પોઈન્ટ મેળવવું ખૂબ જ મહત્વપૂર્ણ હતું પરંતુ મેચ રદ્દ થવાને કારણે ગુજરાતને એક પોઈન્ટ મળ્યો અને ટીમ પ્લેઓફની રેસમાંથી બહાર થઈ ગઈ હતી. મુંબઈ અને પંજાબ કિંગ્સ પછી ગુજરાત પ્લેઓફમાંથી બહાર થનારી ત્રીજી ટીમ બની ગઈ છે. વરસાદના કારણે મેચ રદ્દ થયા બાદ ચાહકોએ સોશિયલ મીડિયા પર ઘણા મીમ્સ શેર કરવાનું શરૂ કર્યું જે ઝડપથી વાયરલ થઈ રહ્યા છે.
મેચ રદ્દ થવાથી ચાહકો નિરાશ થયા
લાખો ચાહકોની નજર આ મેચ પર હતી કારણ કે ગુજરાત ટાઇટન્સની દૃષ્ટિએ આ મેચ ખૂબ જ મહત્વપૂર્ણ હતી. આ મેચ જીતીને ગુજરાત પ્લેઓફમાં પહોંચવાની પોતાની આશા જીવંત રાખી શક્યું હોત. વરસાદના કારણે મેચ રદ્દ થતાં ચાહકો પણ ખૂબ જ નિરાશ જોવા મળ્યા હતા.
જે બાદ ફેન્સ સોશિયલ મીડિયા પર વિવિધ પ્રકારની પોસ્ટ શેર કરવા લાગ્યા. એક એકાઉન્ટમાંથી એક પોસ્ટ શેર કરવામાં આવી હતી અને તેમાં લખવામાં આવ્યું હતું કે નવી જર્સીના પૈસા વેડફાયા છે. એક યુઝરે લખ્યું કે જો કે અમે સ્પર્ધા કરી શક્યા નથી, પરંતુ અમે ગ્રાઉન્ડ સ્ટાફના પ્રયાસોની પ્રશંસા કરવી જોઈએ.
IPL 2024માં ગુજરાત ટાઇટન્સનું પ્રદર્શન
શુભમન ગિલ IPL 2024માં પ્રથમ વખત ગુજરાત ટાઇટન્સની કેપ્ટનશીપ કરી રહ્યો છે. આ સિઝનમાં ટીમનું પ્રદર્શન કંઈ ખાસ નહોતું. અત્યાર સુધી ગુજરાત આ સિઝનમાં 13 મેચ રમી ચૂક્યું છે. તેમાંથી ટીમે 5માં જીત મેળવી છે અને 7 મેચમાં હારનો સામનો કરવો પડ્યો છે. જ્યારે એક મેચ રદ્દ કરવામાં આવી છે. ગુજરાત ટાઇટન્સ 11 પોઇન્ટ સાથે પોઇન્ટ ટેબલમાં આઠમા સ્થાને છે. હવે ગુજરાત સિઝનની તેની છેલ્લી લીગ મેચ 16મી મેના રોજ સનરાઈઝર્સ હૈદરાબાદ સાથે રમશે.
