- ફેન્સની વાતોથી પરેશાન છે પંડ્યા
- ફેન્સ સતત હાર્દિકને ચીઢવી રહ્યા છે
- ટ્રોલિંગની અસર હાર્દિકની રમત પર પણ થઈ રહી છે
ક્રિકેટ એક સ્પોર્ટ્સમેન સ્પીરિટ ધરાવતી ગેમ છે પણ અનેક વખત મેદાન પર એવું થાય છે જેનાથી આ રમતના સન્માનને ઠેસ પહોંચે છે. છેલ્લા કેટલાક દિવસોથી હાર્દિક પંડ્યા સાથે પણ આવું થઈ રહ્યું છે. હાર્દિક જ્યારથી મુંબઈ ઈન્ડિયન્સના કેપ્ટન બન્યા છે તેમને મેદાન પર અને મેદાનની બહાર પણ ટ્રોલિંગનો સામનો કરવો પડી રહ્યો છે. ફેન્સ સતત તેમને ચીઢવી રહ્યા છે. ઉલ્લેખીય છે કે હાર્દિકને માટે તેનો સામનો કરવાનું મુશ્કેલ બની રહ્યું છે. તેની સીધી અસર તેની રમત પર પણ થઈ રહી છે. હાર્દિકની સામે ચેલેન્જને લઈને રોબિન ઉથપ્પાએ ખાસ વાત કરી છે. તેઓ તેની સાથે ફેન્સને ખાસ અપીલ પણ કરી છે.
માનસિક સમસ્યાથી પરેશાન થઈ રહ્યા છે હાર્દિક પંડ્યા
ઉથપ્પાએ હાર્દિકની માનસિક સ્થિતિ વિશે વાત કરી છે. તેમનું કહેવું છે કે તેની પાસે સર્વકાલીન મહાન બનવાની ક્ષમતા છે. તે પોતાની સામે થઈ રહેલી ટ્રોલિંગથી પણ જાણકાર છે. પણ શું તેને આ વાતોથી દુઃખ નહીં થતું હોય. ઉથપ્પાએ આગળ કહ્યું કે નક્કી રીતે હાર્દિક માનસિક સ્વાસ્થ્ય સમસ્યાનો શિકાર બની ગયો છે.
આ રીતનો વ્યવહાર અશોભનીય
રોબિનનું કહેવું છે કે હું ભારતીય ફેન્સની ભાવનાઓને સમજુ છું અને સાથે કોઈ પણ ખેલાડીની સાથે આ રીતના વ્યવહારને યોગ્ય કહેવાતો નથી. ઉથપ્પાએ આગળ કહ્યું કે આ એક સમાજના રૂપમાં પણ અમારા માટે અશોભનીય છે. આપણે કોઈની પણ સાથે આ રીતનો વ્યવહાર કરવો નહીં. આપણે તેમની પર હસવું નહીં અને ન તો આ પ્રકારે કોઈને આગળ વધવા દેવા.
હાર્દિક માટે પણ પ્રેમ દેખાડવો જરૂરી
ઉલ્લેખીય છે કે છેલ્લા કેટલાક દિવસોથી હાર્દિક પંડ્યાને રોહિત શર્મા પણ સપોર્ટ કરી રહ્યા છે. આરસીબીની મેચમાં વિરાટ કોહલીએ ફેન્સને તેને ન ચીઢવવાની અપીલ કરી હતી. ઉથપ્પાએ એમ પણ કહ્યું કે વિશ્વકપ ફાઈનલમાં ટીમ ઈન્ડિયાને દિલ તોડનારી હાર મળી હતી. આમ છતાં ભારતીય ફેન્સે ટીમને માટે ઉત્સાહ વધારનારું વલણ રાખ્યું હતું. તેમનો પ્રેમ કોઈ પણ રીતે ઘટી રહ્યો નથી. ઉથપ્પાએ ફેન્સને હાર્દિકને માટે પણ આ પ્રેમ દેખાડવાની અપીલ કરી છે.
