- કોલકાતાએ મુંબઈ ઈન્ડિયન્સને 18 રનથી હરાવ્યું
- આ જીત સાથે KKR પ્લેઓફ માટે ક્વોલિફાય થયું
- વરુણ ચક્રવર્તીએ 4 ઓવરમાં 17 રન આપીને 2 વિકેટ લીધી
IPL 2024માં 60મી મેચ કોલકાતા નાઈટ રાઈડર્સ અને મુંબઈ ઈન્ડિયન્સ વચ્ચે રમાઈ હતી. KKRએ આ મેચ 18 રને જીતી લીધી હતી. આ સાથે KKRએ પ્લેઓફમાં પણ પોતાની જગ્યા બનાવી લીધી છે. વરસાદના કારણે આ મેચ 16-16 ઓવરની રમાઈ હતી. KKRએ આ મેચ જીતવા માટે મુંબઈને 158 રનનો ટાર્ગેટ આપ્યો હતો. પ્લેઓફમાં મુંબઈ ઈન્ડિયન્સની ઓપનિંગ જોડીએ શાનદાર બેટિંગ કરી, ખાસ કરીને ઈશાન કિશન ઘણો ખતરનાક દેખાઈ રહ્યો હતો. પરંતુ KKRના સ્ટાર બોલર વરુણ ચક્રવર્તીએ તેની ચોથી ઓવરમાં મેચની દિશા બદલી નાખી હતી. જે બાદ KKRના કેપ્ટન શ્રેયસ ઐયરે મેચ બાદ કહ્યું કે તેને વરુણ પર પૂરો વિશ્વાસ છે.
વરુણની ચોથી ઓવર ઘણી મહત્વની હતી
KKR તરફથી વરુણ ચક્રવર્તીએ ઇનિંગની 12 ઓવર ફેંકી હતી. વરુણે આ ઓવરમાં શાનદાર બોલિંગ કરી, અહીંથી મેચ લગભગ KKR તરફ પલટાઈ ગઈ હતી. વરુણે આ ઓવરમાં માત્ર 4 રન જ ખર્ચ્યા હતા. આ ઉપરાંત આ ઓવરમાં વરુણે મુંબઈ ઈન્ડિયન્સના કેપ્ટન હાર્દિક પંડ્યાની મહત્વની વિકેટ પણ લીધી હતી. વરુણની ચોથી ઓવર અંગે કેકેઆરના કેપ્ટન શ્રેયસ ઐયરે કહ્યું કે વરુણ સિવાય રસેલ અને હર્ષિત પણ ઘણી સારી બોલિંગ કરી રહ્યા હતા પરંતુ તે સમયે મને વરુણ પર પૂરો વિશ્વાસ હતો અને તેથી તેને ઓવર આપી હતી.
કેકેઆરના બોલરોનું શાનદાર પ્રદર્શન
આ મેચ જીતવા માટે મુંબઈ ઈન્ડિયન્સને 158 રનનો ટાર્ગેટ આપવામાં આવ્યો હતો. એક સમયે એવું લાગતું હતું કે મુંબઈ આ મેચ જીતી જશે પરંતુ જે રીતે KKRના બોલરોએ અદભૂત પ્રદર્શન કર્યું તેના કારણે KKR જીતી ગયું. KKR માટે આ મેચમાં વરુણ ચક્રવર્તીએ 4 ઓવરમાં 17 રન આપીને 2 વિકેટ લીધી હતી. આ સિવાય હર્ષિત રાણાએ 3 ઓવરમાં 34 રન આપીને 2 અને આન્દ્રે રસેલે 3 ઓવરમાં 34 રન આપીને 2 વિકેટ ઝડપી હતી. આ મેચમાં સુનીલ નારાયણને સફળતા મળી હતી.
