IPL 2024: આ 13 મોટા ખેલાડીઓનું હરાજીમાંથી નામ ગાયબ

• આગામી સિઝનની હરાજી માટે પૂરજોશમાં તૈયારી
  
• 13 દુગ્ગજ ખેલાડીઓનું નામ લિસ્ટમાંથી ગાયબ
• હરાજી માટે કુલ 333 ખેલાડીઓને શોર્ટલિસ્ટ કરાયા

IPL એક એવું પ્લેટફોર્મ છે જ્યાં ઘણા યુવા ખેલાડીઓ તેમની રમતનું પ્રદર્શન કરીને લાઇમલાઇટમાં આવે છે, જ્યારે કેટલાક વરિષ્ઠ ખેલાડીઓને પુનરાગમન કરવાની તક મળે છે. દરેક સિઝનમાં અલગ-અલગ ખેલાડીઓ આ મંચ પર ચમકતા જોવા મળે છે.

હરાજી માટે તૈયારીઓ પુરી

હાલમાં IPLની આગામી સિઝનની હરાજી માટેની તૈયારીઓ પૂરજોશમાં ચાલી રહી છે, જેના માટે કુલ 333 ખેલાડીઓને શોર્ટલિસ્ટ કરવામાં આવ્યા છે. હરાજી 2024 માટે જાહેર કરવામાં આવેલી યાદીમાં કુલ 13 ખેલાડીના નામ યાદીમાંથી ગાયબ જોઈને દરેકને આશ્ચર્ય થયું હતું. આ ખેલાડીઓની મૂળ કિંમત કરોડો રૂપિયામાં હતી.

આ 13 ખેલાડીઓનું નામ લિસ્ટમાંથી ગાયબ

• ડાર્સી શોર્ટ (ઓસ્ટ્રેલિયા) - રૂ. 1 કરોડની મૂળ કિંમત
• કેન રિચર્ડસન (ઓસ્ટ્રેલિયા) - રૂ. 1.5 કરોડની મૂળ કિંમત
• કોલિન ઇન્ગ્રામ (દક્ષિણ આફ્રિકા) - રૂ. 1.5 કરોડની મૂળ કિંમત
• માર્ટિન ગુપ્ટિલ (ન્યૂઝીલેન્ડ) - રૂ. 1 કરોડની મૂળ કિંમત
• ડેવિડ મલાન (ઇંગ્લેન્ડ) - રૂ. 1.5 કરોડની મૂળ કિંમત
• માર્ચન્ટ ડી લેંગે (દક્ષિણ આફ્રિકા) - રૂ. 1.5 કરોડની મૂળ કિંમત
• કેદાર જાધવ (ભારત) - રૂ. 2 કરોડની મૂળ કિંમત
• કોરી એન્ડરસન (ન્યૂઝીલેન્ડ) - રૂ. 1.5 કરોડ બેઝ પ્રાઇસ
• ડેનિયલ વોરેલ (ઓસ્ટ્રેલિયા) - રૂ. 1.5 કરોડ બેઝ પ્રાઇસ
• મોઈસિસ હેનરિક્સ (ઓસ્ટ્રેલિયા) - રૂ. 1.5 કરોડની મૂળ કિંમત
• એન્જેલો મેથ્યુસ (શ્રીલંકા) – રૂ. 2 કરોડની મૂળ કિંમત
• ક્રિસ લિન (ઓસ્ટ્રેલિયા) - રૂ. 1.5 કરોડની મૂળ કિંમત
• ટોમ બેન્ટન (ઇંગ્લેન્ડ) - રૂ. 2 કરોડની મૂળ કિંમત

IPL 2024ની હરાજીમાં ઘણા ખેલાડીઓના કિસ્મત ચમકશે

તમને જણાવી દઈએ કે IPL 2024ની હરાજી 19 ડિસેમ્બરે દુબઈમાં થવાની છે, જેમાં કુલ 333 ખેલાડીઓને શોર્ટલિસ્ટ કરવામાં આવ્યા છે, જેમાંથી 214 ભારતીય અને 119 વિદેશી ખેલાડીઓ છે. હરાજી માટે પસંદ કરાયેલા ખેલાડીઓમાં 116 કેપ્ડ અને 215 અનકેપ્ડ ખેલાડીઓ છે. 23 ખેલાડીઓએ તેમની બેઝ પ્રાઈસ 2 કરોડ રૂપિયા રાખી છે જ્યારે 13 ખેલાડીઓએ તેમની બેઝ પ્રાઈસ 1.5 કરોડ રૂપિયા રાખી છે.