KKR માટે સારા સમાચાર, ધાકડ બેટ્સમેનની ટીમમાં થઈ એન્ટ્રી

• કોલકાતા નાઈટ રાઈડર્સનું IPLમાં શાનદાર પ્રદર્શન
  
• કોલકાતા નાઈટ રાઈડરર્સમાં નીતીશ રાણાની એન્ટ્રી
• નીતીશ આંગળીમાં ઈજાના કારણે ટીમમાંથી હતો બહાર

IPL 2024માં અત્યાર સુધીમાં 23 મેચ રમાઈ છે. કેટલીક ટીમોએ લીગમાં 5 અને કેટલીક 4 મેચ રમી છે. હાલ પોઈન્ટ ટેબલમાં રાજસ્થાન રોયલ્સ ટોચ પર છે અને કોલકાતા નાઈટ રાઈડર્સ બીજા સ્થાને છે. KKRએ અત્યાર સુધીમાં 4માંથી 3 મેચ જીતી છે અને 1માં હારનો સામનો કરવો પડ્યો છે. 17મી સિઝનમાં સારું પ્રદર્શન કરનાર KKR માટે સારા સમાચાર સામે આવ્યા છે. ટીમમાં સ્ટાર બેટ્સમેનની એન્ટ્રી થવા જઈ રહી છે.

નીતીશ રાણા કેમ્પમાં જોડાયો

એક અહેવાલ મુજબ ટીમના વાઇસ કેપ્ટન નીતિશ રાણા કોલકાતાના કેમ્પમાં જોડાયા છે. નીતીશ રાણાએ ઈડન ગાર્ડનમાં સનરાઈઝર્સ હૈદરાબાદ સામે રમાયેલી પ્રથમ મેચમાં ભાગ લીધો હતો. આ પછી તે ટીમમાંથી બહાર થઈ ગયો હતો. ફિલ્ડિંગ કરતી વખતે તેના હાથમાં ઈજા થઈ હતી. તેની આંગળીમાં ફ્રેક્ચર થયું હતું. આ મેચમાં રાણાએ 11 બોલમાં 9 રન બનાવ્યા હતા. આ દરમિયાન તેણે 1 ફોર ફટકારી હતી. આ પછી તેણે રોયલ ચેલેન્જર્સ બેંગ્લોર, દિલ્હી કેપિટલ્સ અને ચેન્નાઈ સુપર કિંગ્સ સામે મેચ રમી ન હતી.

IPLમાં રાણાનું પ્રદર્શન

શ્રેયસ ઐયરની ગેરહાજરીમાં રાણાએ ગત સિઝનમાં કોલકાતાનું સુકાન સંભાળ્યું હતું. IPLમાં રાણાના પ્રદર્શનની વાત કરીએ તો તેણે અત્યાર સુધી રમાયેલી 106 મેચમાં 2603 રન બનાવ્યા છે. આ સમયગાળા દરમિયાન તેની એવરેજ 28.60 હતી અને સ્ટ્રાઈક રેટ 134.94 હતો. રાણાએ લીગમાં અત્યાર સુધી 18 ફિફ્ટી ફટકારી છે. IPLમાં તેનો સર્વોચ્ચ સ્કોર 87 રન છે. ગત સિઝનમાં રાણાએ 14 મેચ રમીને 413 રન બનાવ્યા હતા. રાણાએ IPL 2023માં 3ફિફ્ટી ફટકારી હતી.